In: 意指「裡面」,又或者「潮」。究竟狼之呢位旅遊記者,背包入面有什麼?邊樣東西對於佢嚟講係最重要,而家話你知!

狼之做嘢有一個宗旨,係「型」!去Working Holiday為型!做Backpacker為型!當然個背包,入面放啲咩呀,都要型啦!!!!

狼之的背包:https://www.facebook.com/auo.page
狼之blog:http://leechunheifrancis.blogspot.hk/

攝於觀塘海濱長廊

工作的時候,我就係帶呢啲嘢出街架喇!

狼之的背包
Zkin Yeti Marine Blue
軍藍色背包,不羈得嚟又夠RAW!而且背包間隔方便,相機、電腦、記事簿樣樣放齊。另外耐用、防水,是狼之背包需求。出外工作,有個型格背包是很重要的!

筆記型電腦
Lenovo Yoga 13
網站旅遊記者有一特色,就係打稿影相資料搜集一腳踢!有部輕便電腦喺出trip時用顯得十分重要。Book 住宿、寫稿、執相都係靠佢架咋!Yoga 13有多個好處,就係可以當埋tablet 用,咁樣就唔怕唔夠位,睇相睇片回email都快好多!P.S.仲有好型的鮮橙色!

相機
Olympus E-M5
一部相機就係記者的靈魂,要拍出怎樣的相片,能否吸引讀者的目光,就靠呢部機同技術喇!帶復古味嘅E-M5中哂小編口味,5 軸防震、對焦快,加上機身輕,啱哂喜歡惊影的我!

智能電話
出嚟行走漿糊,點可以唔帶返部智能手機?而家下載定幾個Apps,機票、Hostel樣樣搞掂哂!最緊要係立即upload靚相俾咁多位讀者睇嘛!

記事簿及筆
咪以為有智能電話同電腦就搞掂!記事簿一本才是王道,突然見到啲嘢想抄低,又或者師傅到(靈感到)的時侯,就要靠紙筆寫、畫架喇!

証件袋
小編每次出trip會帶個小小証件袋,將貴重物品如証件、現金跟身,必要時仲會將個袋仔放T-shirt入面。浪遊一年無唔見嘢都有賴此方法咋!

腳架
做網站旅遊記者好多時都係自己一個出trip,所以「腳架」就如同自己朋友一樣,有咩要影到自己就要佢出「腳」幫忙!仲有影夜景帶腳架是常識吧!