整個11月最期待的就是去看紅葉，大部份香港人都會選擇到輕井澤或日光，但10月個時同老媽已經去過，在關東還有甚麼好去處呢？！星期日上日文時問過老師，她大力推薦「高尾山」
高尾山（たかおさん），除了是東京都近郊地區外，還算是日本人的即日來回一日遊既度假熱點。由新宿搭京王線（準特急約1小時45分）／都營新宿線（各站停約3-4小時）就到。
❶ 你可以用IC咭（即SUICA／PASUMO）或
❷ 到站前買定來回車票
❸ 來回車票包單程登山纜車・吊車（1080円）
❹ 來回車票包來回登山纜車・吊車（1380円）
因為朋友想行山，所以我地選擇左 ❸ 再行落黎。由於天氣唔太好，所以我都諗住走6條徑當中最人氣的一條行山徑就算，30分鐘繞一個圈落山。天公不作美，越行越凍，上左個叫「絕景展望台」睇下有幾「絕景」？？絕景就絕景啦，不過係「絕境」個境！成個八王子市景咩都睇唔到，一片白茫茫！帷有食個著名「天狗熱狗」就算。
行返落山都係40分鐘，微微雨又有陽光個感覺好舒服。遇見昆蟲就真係在所難免，但係一邊落山一邊聞到陣陣草香，樹香，黎自大自然好淡淡清香FRESH！間唔中既流水溪間又帶起水氣。天呀！起咩樓？！行山行得仲爽～啦！
斜度都真係幾斜，幾7-8度左右，唔算係平地，所以丫仁絕對係著錯鞋。加上鞋底紋又淺，隨時會滑到地上！邊行邊周圍搵扶手，但兩個小朋友係完全可以奔跑。我真係無佢地咁好氣???
最激氣既係我做不到倒立，也打不了側手翻，葉又唔紅！決定12月有時間要去多一次，成個山頭都要見到紅、橙，黃色於一身的【高尾山】
更多
http://koyo.walkerplus.com/detail/ar0313e13090/
http://tokyo.letsgojp.com/archives/28743/
http://tatit.pixnet.net/blog/post/40737694-來去東京！高尾山
一行三人出發！我真係有幫阿SIR好好睇住佢個學生架～
套票一人四張！
ゆき：去程票
片道券（かたみちけん）：坐登山用的單程票
かえり：回程票
最後就係收據
入閘後找去「高尾山口」
有各停／準特急，你識點揀啦～
雖說是近郊。真係好遠架！！唔好成日以為尖沙咀去元朗咁近～
都尾站，越來越少人～
細雨紛紛，葉還未轉紅～我相信12月會成個山頭都紅晒！我想再來多一次
沿路開始見到葉，澤，林，山，木
一出高尾山口，向右行5分鐘就到搭纜車／吊車的車站，沿路都有好多特色小食！日本燒團子／燒魚／馳名酒饅頭／蕎麦等等～
我地猶疑緊搭纜車（ケーブルカー）定吊車（リフト）
前者可以一班人坐，開開心心上山去
後者好刺激，丫仁一直都好想坐既滑雪吊車
最後揀左你啦～怕甚麼！！！人一世物一世～
注意上山同落山，リフト既最終車時間！
起初以為天氣唔太好會無得搭，所以走去問人先上山！唔係好危險～
讀音應該係山「鹿」站
好舊好舊，真係好似去左海洋公園排隊等玩～
係我心目中完全唔似交通工具
PS：上車前要收好手機／相機先！跌左落去唔會賠～
雖然架車係無安全帶，要坐定定唔可以同身郁
離地唔高，又有繩網！都幾安全
上到山，大霧到眼前一片白
6條徑當中最人氣的2號山徑繞一圈30分鐘，再行一號徑落山
天狗熱狗，是上到山必食的東西，真係堅長（幾30cm）無奈小弟唔食腸！叫左個齋炸包食（きなこ揚げパン）
真係大霧又太凍，無野睇。山上氣溫仲要低3-4度，所以決定唔再行入D，兜個圈行落山算！經過都要望一望纜車係咩樣
行落山個時心諗住暮光之城（Twilight）個景同D勁加埋好有氣氛！BELLA～～你係邊樹呀！？
分明，山路好斜！！著錯街～
山頂其實有幾個石碑，要你轉你想淨化的地方
行40分鐘左右就到山腳，好舒服！唔落雨一定可以影到輕井澤個D隨手影都好PRO既相！
另一個讚不絕口的特產，高尾上纜車一出就會見到芝士撻！個兩個小朋友見到對眼發光✨叫佢地形容，佢地就詞窮！
點知一覺醒來，個天陽光明媚！！！點解我唔星期日先去，下次一定要CHECK天文台先出街