如果星期六、日嚟到澳門戶外活動已經玩齊,夏日熱辣辣又諗唔到去邊好!我非常推薦大家可以試下文華東方每星期只限兩日(六、日)的「夢幻午茶之約」,順便可以避暑之餘,又可以同三五知己一邊望住澳門靚景一邊嘆下午茶!

一上到去文華入面的御苑酒廊,即刻被佢哋嘅超巨型落地玻璃同雲石水晶布局吸引住,成個感覺高雅得嚟仲好舒服自在。另外呢度每個角落都可以成為大家影相呃like的好地方!讚讚讚!

image

「夢幻午茶之約」未出場之前,我哋已經可以見到陣容強大的法籍餅房團隊即場為大家準備緊下午茶喇!基本上佢哋嘅廚房係半開放式,畀大家見證住呢個下午茶的誕生!

image


我哋嘅重頭戲未出場之前,首先會送上一份自製柑橘雪葩畀大家淨化一下味蕾先,為之後嘅美食饗宴揭開序幕!

image

好喇!終於到我哋呢個造型優雅的三層下午茶座出現喇!當中包括現製三文治同精緻法式蛋糕,並搭配選擇豐富的頂級咖啡、茗茶或熱朱古力!簡直滿足晒賓客們午後時光的無限感官享受!

image

靚景加上靚茶點享受完喇!等我帶大家去另外一個景點啦!近近哋其實由文華東方去科學館步行唔使10分鐘就到,而最近科館有一個限定恐龍展提供畀大家!聽講仲同文華東方合作,住文華送門票!詳情大家就可以上番官網參考!

image