仲臨 check in 前 1 粒鐘先去機場?唔得啦!因為宜家市面上嘅信用卡優惠太多,Check in後有太多野做囉!宜家起碼要預返2個鐘check in後入lounge、換雜誌同換咖啡!全部加埋只需俾1蚊!尤其係搭無電視同無野食嘅廉航,呢3樣野好重要啊!即刻話你知有咩信用卡可以做到呢3樣野!

01 | 免費入lounge飲飽食醉先上機!

宜家咁興搭啲無電視同無野食嘅廉航,入個lounge飲飽食醉先上機是常識吧!只要你有以下是但一張信用卡,無論你搭任何航空公司都好,你都可以免費入lounge食個魚蛋粉,再拎定啲Bonaqua水走啦!

禁區內主要有兩個用信用卡可以免費入到嘅lounge,包括一號客運大樓第六層離港東大堂 (近1號登機閘口) 同一號客運大樓第七層離港西大堂(近35號登機閘口)。兩個lounge都係有野飲有野飲有涼沖,但我建議大家去 35 號果個,因為 1 號閘果個太方便,通常都排好耐隊先入到去。

入到以上 lounge 嘅信用卡包括:

  • (30萬年薪要求) CX Elite:全年任入近乎全球嘅Plaza Premium lounge,附屬卡都可以任入;另外主卡附一張Priority Pass一年可用4次
  • (48萬年薪要求) Citi PremierMiles:基本卡及附屬卡客戶可分別於每年度免費尊享12次近乎全球嘅環亞機場貴賓室服務,前提係需於每次享用環亞機場貴賓室後30天內,於本地/海外簽賬滿HK$5,000
  • (60萬年薪要求) Citi Prestige:主卡附一張全年任入lounge嘅Priority Pass
  • (15 萬年薪要求) HSBC 雙幣鑽石:12月31日前使用銀聯鑽石卡可以有3次quota入香港嘅環亞lounge
  • (15萬年薪要求) Citi 銀聯:12月31日前使用銀聯鑽石卡可以有3次quota入香港嘅環亞lounge
  • (25 萬年薪要求) 上商銀聯:12月31日前使用銀聯鑽石卡可以有3次quota入香港嘅環亞lounge
  • (15萬年薪要求) 交行銀聯:12月31日前使用銀聯鑽石卡可以有3次quota入香港嘅環亞lounge

當然仲有其他信用卡,例如中銀理財信用卡、渣打優先理財信用卡送嘅Priority Pass等,不過呢啲都唔係平民卡,所以我只列出一般人可以申請到嘅卡。

除了環亞 lounge 之外,如果你搭香港航空,又有以下其中一張信用卡,就可以入佢位於 T123 至 25 閘口之間的紫荊堂,食下車仔麵同雞蛋仔啦!

(15萬年薪要求) 建行港航 Fly Away 信用卡:一年內免費使用香港航空位於香港嘅lounge 5次,同行人士都可用

(25萬年薪要求) 工商銀行香港航空Visa白金卡:一年內免費使用香港航空位於香港嘅lounge 5次

除了禁區裡面有lounge入之外,其實香港仲有Arrival lounge嘅,俾大家搭完凌晨機可以入去沖個涼食個早餐先返工。位置就喺地面交通運輸中心第三層,即係由T1行去T2個條路。但一般人申請到而又入得Arrival lounge嘅信用卡就淨係得CX Elite同Priority Pass,所以張CX Elite係必備嘅!

另外香港所有環亞都係24小時開放;而港航lounge只係由早上6時開到晚上10時。

02 | 換領價值$15嘅雜誌/報章!

有DBS Black World Master的話,check in之後就可以去禁區裡面嘅 RELAY,出示返 DBS Black Card 及有效登機證,就可以換領價值 $15 嘅報章/雜誌一份,唔夠補錢就可以,咁就唔怕搭飛機會悶啦。DBS Black World Master 年薪要求 24 萬,但呢張卡批得極為鬆手,多數唔夠年薪都會批!

REPLAY喺禁區裡面有4間,位於T1第六層離港層中央客運廊 (07:00 – 00:00)、第六層離港層南客運廊 (07:00 – 00:00)、第六層離港層西北客運廊 (07:00 – 23:30) 同T2第三層 (07:00 – 23:00)。


03 | $1 換 Pacific Coffee!

只要你有東亞信用卡,8 月 31 日於機場內嘅 Pacific Coffee 出示返信用卡及同名嘅登機證,就可以該卡簽賬 $1 換購標準裝手調飲品 1 杯 (不包括推廣飲品、樽裝飲品、果汁、酒調飲品及Chillino)。而最好用個張東亞卡就係佢張 Flyer World 信用卡,不過年薪要求要成 30 萬,但最極端都聽過有人 22 萬都批。

Pacific Coffee 喺香港機場到有三間,位於禁區外T2第5層 (07:00 – 22:00)、禁區裡面T1嘅第5層 (07:30 – 23:00)同中場客運廊第六層離港層 (07:00 – 23:00)。

下一頁:地勤:請不要再用行李套好嗎?

延伸閱讀

兩個騎呢Case – 「嗱渣招」博Upgrade ?!

7大生活習慣助你儲里數!

信用卡點換里數最抵?