杜如風 關西攻略 嚟到第二集!去大阪唔去黑門市場食下海鮮真係對唔住自己!不過其實除咗海鮮,黑門市場仲有大把好嘢食!今集《 關西攻略 》杜如風就帶大家去到黑門市場搵食,然後再同大家去梅田shopping!即刻睇睇今集嘅精華!

01 | 必食時令生果:黒門なべじ

去黑門市場當然唔少得食時令生果,杜如風呢期就係士多啤梨嘅當造期!今期最紅嘅士多啤梨,就係嚟自奈良嘅淡雪草莓,外表同內心都係白色,味道比一般紅色草莓清甜,必試!

黒門なべじ
地址:大阪市中央区日本橋1-21-34

02 | 章魚燒推介:たこ焼道楽わなか

去大阪點可以唔食章魚燒!杜如風就喺黑門市場試咗呢間たこ焼道楽わなか,不過竟然唔係為咗佢嘅章魚燒,而係限量可樂!真係估佢唔到!

たこ焼道楽わなか
地址:大阪市中央区日本橋1-21-2

03 |  超香神戶牛:萬野総本店

如果大家有去過黑門市場都應畀呢間精肉店嘅香味引誘過!呢度嘅即燒神戶牛真係香到隔住個mon都聞到啊!

杜如風試咗兩款,邊款好味啲?都係嗰句,一分錢一分貨啦!
萬野総本店
地址:大阪市中央区日本橋1-22-20

04 | 新鮮海膽:鮮魚川崎

黑門市場有幾間即開即食嘅海膽,咁多檔杜如風就揀咗呢間鮮魚川崎,即開即食夠晒新鮮!

鮮魚川崎
地址:大阪市中央区日本橋2-3-3

05 | 厚切吞拿魚:まぐろや黒銀

黑門市場仲有一檔有好高人氣,就係呢間食吞拿魚壽司嘅舖頭!最平1,000円就食到4舊厚切吞拿魚壽司!嫌食壽司唔夠喉可以食佢嘅吞拿魚魚生飯,都係1,000円,厚切、鮮甜、抵食!

まぐろや黒銀
地址:大阪市中央区日本橋2-11-1

06 | 河豚刺身專門店:みな美

去大阪好多人都會順便試下河豚,喺黑門市場就可以買到河豚刺身嚟食,呢間みな美就喺黑門市場中間嘅十字路口,好容易搵架咋!

唔想食生嘢又可以好似杜如風咁用河豚肉打邊爐,坐喺人哋店門口食真係夠晒風味!
みな美
地址:大阪市中央区日本橋2-3-20

07 | 男士出血位:THE NORTH FACE MAN

鏡頭一轉,杜如風就嚟到梅田諗住大出血啦!各位男士係咪心諗又冇自己份呢?錯啦!今次杜如風一嚟就介紹咗呢間男士服裝店。喺呢度記得搵有紫色 label 嘅服裝,因為有紫色 label 就代表佢係日本版,好多人都會特登露個紫色 label 出嚟 show off 架!

THE NORTH FACE MAN
地址:大阪府大阪市北区梅田3-1-3 LUCUA 1100 8/F
網頁:http://goldwin-blog.jp/tnf-man

08 | 手信推介:日本市

自己買完嘢又係時候諗下買咩手信好,杜如風就推介呢間賣達摩公仔嘅店舖,得意得嚟又有意頭,仲可以許願,啱晒!

日本市

地址:大阪府大阪市北区梅田3-1-3 LUCUA 1100 2/F

09 | 發洩好去處:天ぷら 大吉

呢間出名食天婦羅嘅舖頭,除咗天婦羅好食,最有人氣嘅竟然係蜆肉味噌湯!因為店家容許食客隨意將食完嘅蜆殼掉落地下,喺日本咁講究衛生同儀態嘅地方真係冇乜機會可以咁做,大家可以一路食一路掉蜆殼發洩!

天ぷら 大吉

地址:大阪府大阪市浪速區難波中2-10-25

延伸閱讀:

杜如風 關西攻略 第一集|又食又買「平」遊大阪

關西攻略 | 杜如風大阪5大飲食推介率先睇

關西攻略京都篇 | 日本通變身觀光客?! 

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡

大阪有什麼好去處及景點推介?

大阪自由行必去這些景點,當中包括USJ大阪環球影城,即睇USJ門票及交通攻略。然而,去旅行怎可忽視美食部分?必到這些人氣美食餐廳,當中更有蟹宴放題平價米芝蓮餐廳之選。另外,不得不到溫泉旅館/按摩店溫泉主題樂園全新門真大型三井Outlet商場臨空城OUTLET。準備到日本賞櫻花的大家,可預先一看日本櫻花花期預測