成人の日的三連休，一早就出左去上野買張勁抵用的JR WIDE PASS，三日任坐指定範圍新幹線／特快列車。當中亦包括港人常去的軽井沢（かるいざわ）、富士山同上次紅波波草的日立海濱公園。NUIさん吐糟的說上年這張PASS只係¥9300，今年竟然加到¥10,000有得用就算啦???只要你出示外國護照就買到，我地就選擇左到GALA湯沢（がーらゆざわ）實地視察下先。
因為我既身分只係參與者，沒有爬文睇教學等等，所以東西都是NUIさん搞掂，佢找到個JR PASS優惠，憑PASS可以用¥1500體驗（只包水鞋、防水保暖手套）玩雪兜（そり= Sled）諗左一陣係咩，因為一般英文有「D」字尾都會加「ド」「ダ」?今次無
水鞋好薄，對襪又唔夠厚，腳趾都瞬間疆硬發紫似的。起初我都無乜野，但玩左個幾鐘後就開始FEEL唔到腳趾，屈彎個時更加無知覺?
丫仁溫馨提示：
① 可以去激安殿堂買D無咁高溫既保暖貼，貼係對襪同鞋中間。一般暖手蛋包最高溫度大約50度，襪用保暖貼得38-40度好似溫泉水咁熱♨️??
② 要有一條虧佬底褲／LAGGING打打底，冷風吹都不會冰到震
搭CABLE CAR上山有少少高山反應，應該係我太緊張，話晒咁大個仔第一次睇到雪景。上到山做左一連串既興奮動作，NUIさん睇到眼到凸，但仍仿效我既POSE?白茫茫雪景真係壯麗。飄雪散在微暖手心上，軟綿綿的，卻不消一秒溶掉了❄️扮完偽文青後，幾凍都好想徒手感受雪的質感，扔到人地面上?一輪自拍同被自拍後，再回到小朋友雪兜專區。少少既山坡仔都征服唔到，跌左好多次之後終於都捉到要訣，就係要坐到最後，鞋放兜上、拉行條繩就可以一TICK過滑得好過癮。