平時出門旅行我唔算高度戒備,照樣用背囊,如果去高危地方先至用下貼身money belt。不過以下兩款 防盜 神器,又真係幾吸引,好想入手!

01 | 掟極唔爛 -- Flak Sack vs The Trust Bag

呢個 防盜 霸王用高密度聚乙烯製造,即刀槍不入的避彈衣物料,掟極唔爛,而且防水。高科技反RFID功能,可保障信用卡晶片內的個人資料,放電話入去,連信號都收唔到!防盜袋的意念來自 Flak Sack,剪不斷掟唔爛,意念無敵可惜防不勝防,推出不久就被製成為The Trust Bag,未被人打劫,先遭「偷橋」…… (詳情:www.fb.com/Loctote/

https://youtu.be/4cuF447n68Y

02 | 隱藏拉鏈Bobby

The Trust Bag係好,衰在太細(同太貴),我自己鍾意孭大袋,另一款多功能防盜背囊Bobby仲啱我。雖然有人堅持話個袋好似SPI……但真心實用!所有拉鏈都隱藏於背脊,一體成形設計,外面完全冇辦法打開。咁攞嘢咪好麻煩?唔怕,背帶、袋側及底部有三個隱蔽袋仔畀你放八達通卡、散紙包及電話等小物。600m聚酯纖維及海綿物料輕身又透氣,六層結構有防水、防鎅、防震功能,仲有3M反光位,方便夜行騎士。最鍾意外置叉電接口,可以神不知鬼不覺咁叉電,而且內部極多隔層,最適合扮整齊的強迫症患者(如我)!香港K11的Backers有得預售,$598一個買到咁多功能,抵晒啦!(照片來源:www.indiegogo.com/projects/bobby-the-best-anti-theft-backpack-by-xd-design)