星戰《原力覺醒》電影全球熱爆,新加坡機場也有一系列展覽,在3號客運大樓內展出兩架一比一的 X-wing fighter 戰機和TIE fighter 戰機 ,每逢周六下午4時,更會有白兵和X-wing 戰機師突襲客運大樓同粉絲互動,握手兼影相! 當日我們滿心期待,兩點半便進場霸位,在星戰飛機左邊佔據最有利影相的位置,等到全場滿座,被千個小豆丁和怪獸家長左擠右擁,幸保不失,只為見白兵一面!

▼點擊看大圖▼

周六上演、突腩機師煞風景

搭正4點,身穿Obi-Wan啡袍的主持人出場,問問題,派禮物,噴白煙,以為白兵出場? 誰知是介紹X-wing 戰機師,都唔緊要呀,何解搵個大肚腩的中佬和MK中女來扮呢?請個星洲河國榮好貴嗎?二人出場不過囉住支場扮射幾下就算,之後出場的四位白兵,更加廢過發叔,出來擺甫士一分鐘,馬上收皮!好在有得排隊影相,不過我們在進入樟宜機場的時候已經撞到 C-3PO 和白乒出巡,任影唔嬲!如果為此Show而早點入機場,我勸你千其唔好,因為只會像我們一樣,爆粗收場!

如果在平日進場,是不會見到以上表演的,人少少反而可以留意:戰機後方,有C-3PO 的互動電子板,教旅客講 Star Wars 的最經典對白,提供 10 種語言(包括廣東話!)

限定時段、登上X-Wing

而X-Wing Fighter 分四個時段讓人坐上去影相,每個時段只有 80 個名額,先到先得。 時間為10am-12pm,1pm-3pm,4pm-6pm,7pm-9pm。

Star Wars: The Force Awakens At Changi Airport
地點:新加坡樟宜機場二號及三號客運大樓
展出日期:即日至2016年1月5日
角色出巡日期:12/12、26/12、2/1 演出時間:4pm
網址: starwars.changiairport.com

可惜的是,現場只有R2D2,並沒有新片的人氣角色BB8啊!

相關文章

【大阪】《星戰》關西機場特快登場!

【日本】冬季限定!日本推出《星球大戰》主題甜品

《 星球大戰 》ANA主題客機 西雅圖出廠登場