Anantara Layan 這間 Resort 是我們在布吉,入住過最滿意的一間酒店。

今次是我們第一次入住 Anantara 集團的酒店,之前已經聽過這個集團很多次,除了覺得貴之外,反倒覺得沒有特別,如果要住高級酒店,我們之前一向都偏好例如 Hyatt、W 酒店、 RitzCarlton麗思卡爾頓 等等,無想到今次入住了 Anantara ,真的非常難忘,原因是酒店除了奢華高級之外,讓我地感覺到酒店每一個細節位都做得好好,好認真,每位員工都好有笑容(這一Part 其實我覺得好緊要)。我地今次真係要俾 Anantara Layan 這間酒店完美的 100 分。

Anantara Layan 位置在布吉 Laguna 區附近,這裏稱得上是隱蔽。酒店泳池連住拉揚沙灘(Layan Beach),亦因為好少會有非住客山長水遠來這個沙灘,所以成個沙灘好似酒店私人擁有一樣,亦令這個地方多了份寧靜和度假的氣息!

在這個沙灘散步除了唔怕被其他人影響之外,夜晚我地聽著海風,在沙灘觀星,非常之浪漫。

普吉島拉揚安納塔拉度假村 (Anantara Layan Phuket Resort) 網址:

http://www.agoda.com/zh-hk/anantara-layan-phuket-resort/hotel/phuket-th.html

Anantara Layan 酒店範圍好大,出入有高爾代球車接載,而酒店有兩個 Reception Lobby ,當日我地就來到位於山上面那一個,入住既時候臨近聖誔節, Lobby 還有一棵聖誔樹的裝飾。

Check-in 既時候,工作人員就熱情地為我帶上用小花編織成的手環,然後奉上 Anantara 的特色飲品(味道不錯),服務很好呢~

今次入住的,是 Deluxe Pool Villa (豪華泳池別墅房),房間有 100 平方米。踏進大門後,第一眼望到就是我們個私人泳池,個私人泳池都唔細架,有足足 5 米 x 3 米,私隠度亦十分之好,四面有牆圍住,沒有人可以見到屋內的情況。

水深 1.4 米

泳池旁放了一個木製浴缸, Size 超大,夜晚回到酒店,可以在戶口外浸浴,爽。

房間內有 Nespresso 咖啡機(連咖啡膠囊) 可以免費享用, 亦有 Welcome 生果,入到黎房間真係覺得好舒服。開頭我對 Anantara 的印象麻麻地,但入到房都已經感受到那份奢華和其他酒店的分別,房間內每樣用品都不會用一般的平價貨色,住落去就會體會到好多擺切都比其他酒店好。

酒店每一位職員都好友善,例如帶我地入屋這一位,佢會介紹每樣物件的使用方法(雖然就算佢唔講我摸摸下都會識 HAHA),亦耐心解釋酒店有什麼活動可以參加,真心 Feel 到佢地每位員工都做得好有 Heart 。

床頭有一個好精緻的玻璃瓶,內裏有張紙寫住我們的管家名字。

打開床旁邊的這對木門,就是一個分放式的衛生間,一邊是沐浴區,另一邊就是廁所。

我們最愛那些盥洗用品,香味怡人,勁好用。

另外,驚喜的地方還包括房既門卡,已經再不是卡了,而是一條手帶,出街只要戴在手就不怕忘記帶門卡了,這條手帶亦可以下水,所以連游泳都不用脫,我真心覺得好方便。

普吉島拉揚安納塔拉度假村 (Anantara Layan Phuket Resort) 網址:

http://www.agoda.com/zh-hk/anantara-layan-phuket-resort/hotel/phuket-th.html

酒店設施

酒店有兩個公共泳池,下圖就是其中一個。(睇唔睇到,泳池行多一步就已經到沙灘了。)

 重點一提,這裏沒有旅行團,入住的旅客都以外國遊客為主,所以酒店真係好靜好 Relax,環境優美 。

泳池前面就已經是拉揚海灘,當晚仲有人在沙灘享受私人定制既晚餐,如果大家想享受在沙灘既晚餐,都可以同酒店訂。

酒店在山上位置就有另一個泳池,附近有 Spa 房、Gym 和 Kid room 。

酒店早餐
講到早餐,簡直是我們見過擺放得最精緻的早餐,淨係見到賣相已經好吸引,食物既種類又多,當然味道都好好味。早餐有紅酒白酒任飲….

應本上係大部份食物都用一些好靚既玻璃瓶來盛載,有一種見到但唔捨得食既感覺。唔講咁多,大家自己睇相啦。



總結
我地上次住了兩晚,第二日我地因為要出島參考一日遊團,沒有時間去食酒店個早餐,酒店知道我地行程後,竟然早上包了一個食物盒俾我地,入面有三文治和橙汁,開頭我仲擔心嗰日早上一定無野食,所以我地覺得酒店真係好細心。今次入住真係好滿意,攪到我地下次旅行想再住番 Anantara 既酒店。

普吉島拉揚安納塔拉度假村 (Anantara Layan Phuket Resort) 網址:

http://www.agoda.com/zh-hk/anantara-layan-phuket-resort/hotel/phuket-th.html

Anantara 在泰國布吉除了我們入住這一間在 Layan Beach 之外,佢地有另一間在邁考 Beach ,同依間唔同之處係有 2 Bedroom Pool Villa 房型,即係如果一家人或一班朋友(最多4 個人)可以住埋一齊,而房間又有 Private Pool 。

邁考 Anantara Resort 網址:

http://www.agoda.com/zh-hk/anantara-mai-khao-phuket-villas/hotel/phuket-th.html

其他布吉既酒店介紹,或相關遊記,去以下網址參考啦:
布吉文章目錄

Tags :