澳門路氹細版鐵塔終於一亮!為9月中才正式開幕嘅 巴黎人 渡假村打響頭炮, 巴黎人 上月因天氣惡劣而取消亮燈儀式,記者大大才venus今趟成功直擊,於對面喜來登8/F泳池做fb live,現場睇有幻彩詠香江感覺,不少網民對變色鐵塔即時「派嬲」。查實今次只係預演,酒店開幕後才會晚晚閃。呢個比真身細一半的鐵塔樓高38層,勝在附近多高位及露天平台啱晒自拍,角度分分鐘就手過巴黎真身!想住 巴黎人 仍要等下,但澳門多間酒店已步入劈價戰搶客,暑假2日1夜套票隨時$600、700有交易,如同樣勁近鐵塔的Holiday Inn套票就減至$599!抵!

巴黎人 9月先住得,暑假檔期已經殺到來,歎其他酒店順手影下鐵塔吊癒啦!

$599 起澳門金沙城 2 天套票

出發日期: 即日至8 月31日(7月16日前星期一至三出發可獲最抵價)
住宿: 金沙城Holiday Inn高級大床客房一晚(包來回船票)
備註:必須最少出發3天前預訂、2人成行
查詢:www.hotel002.com

集思廣益:鐵塔雕字寫乜好?

之前有不少照片流出見到鐵塔上顯示美英文字,例如有樂壇天后「Joey」、張惠妹「Mei」來做宣傳,亮燈儀式當日竟然無出特別語句,浪費!如果可以俾大家天馬行空任寫任何字上去,你會想寫咩?文壇天才如我會寫「中-學-為-體」,嘩哈哈哈哈哈哈哈~睇下旅客及當地市民會寫咩啦!