「想試做衝浪初哥,喺峇里學就啱哂!」

狼之建議在峇里巿中心的庫塔(Kuta)海灘學習衝浪。專業教練教授2小時課程,提供衝浪板,大約15蚊美金 (約HK$120)有交易。點解話初學者要在庫塔學衝浪?原因有二:一、庫塔較為溫和的海浪,較容易企起身;二、庫塔多為淺水區域,海底暗礁較少,危險性較低。


這次是狼之第二次衝浪,對上一次是在葡萄牙。記得上次花了1小時練習才可以簡單衝浪。今次在庫塔反而輕鬆多了,教練只用5分鐘教了站立姿勢,落水練習了三四次,不到15分鐘已經上手。未知是否浪質關係,「食」上個浪,抓得住平衡,就能輕鬆滑行。教練話,峇里人之所以衝浪咁犀利,因為佢地細細個已經落海邊衝浪,玩多了就變得厲害!小記一則,教練的名字叫「壞人」,在峇里語是「第一」意思,哈哈好彩教練生活在峇里咋。