西客滿天下!唔淨止香港有西客,其實台灣都有所謂嘅「奧客」,同樣指態度差同無理取鬧嘅顧客。以前,新加坡嘅乘客一直都榮登「奧客」榜首。不過近年聽其他外國航空公司嘅空姐空少話,依家個榜首竟然係香港同台灣嘅代表不分高下。

「奧客」:為甚麼delay?

之前飛咗一班機,機上面有一半都係台灣嘅乘客,由於目的地大雨嘅原因,機長就做廣播表示,因為天氣問題而要遲半個鐘先飛到。

「奧客」太太:「為甚麼delay?」

我:「剛才機長表示天雨關係要遲半個小時才可以出發。」

奧客 「奧客」太太問:「為甚麼delay?」
「奧客」太太問:「為甚麼delay?」(圖片來源:unsplash@CHUTTERSNAP)

我說先飛就先飛

「奧客」太太:「為甚麼別的航班能飛?為甚麼所有飛機都在動,就你們家不能飛?甚麼爛的航空公司啊?」

我:「噢,那一家的航班是去印度,然後是因為目的地天氣不好,不是這裡天氣不好啊!所以其他飛機都可以動。」

「奧客」太太:「那就先飛上去啊!」

我:「如果我們先出發,到那邊上空降落不了,燃料用完就會很危險。」

「奧客」太太:「我說先飛就先飛!」

「奧客」啊「奧客」,當然明白delay好沮喪,不過你要明白天氣問題飛唔到,其實都係因為安全理由,難道你覺得安全唔重要?

奧客 見到一個咁冇常識嘅乘客......我都係失陪先。
見到一個咁冇常識嘅乘客……我都係失陪先。(圖片來源:新傳媒資料庫)

團友忍不住發聲

最後遲咗15分鐘先飛,臨降落之前,機長表示因為天氣太差有強氣流,所以機身會唔穩定,而氣流又真係勁到我哋都企唔穩要坐低,呢位太太又發功喇!

「奧客」太太:「搞甚麼鬼啊,這麼搖幹嘛啦?你們的機師會開飛機嗎?」

我正想將機長個廣播講多次畀佢聽之際,突然傳出一把男聲……

「人家不會開,難道你會開?人家廣播都做了幾次,有英文有國語,你不會聽嗎?你為難人家弟弟幹嘛啦?從高雄去香港已經罵了全程,現在又罵了,你不累嗎?」

奧客 同機的團友終於忍唔住鬧爆佢。
同機的團友終於忍唔住鬧爆佢。(圖片來源:TVB《衝上雲霄》截圖)

地勤出絕招還擊

呢個伯伯係佢同一個團嘅團友,對佢成程機乜都不滿嘅行為忍無可忍,終於忍唔住鬧爆佢。最有趣嘅係落機之後……

因為天氣問題,所以行李出得有啲慢,佢喺行李帶指住個地勤鬧,估唔到個地勤用咗一招絕招,就係走人。然後呢位太太就轉移目標鬧導遊。

「奧客」太太:「你們怎麼會選這家航空,行李出得這麼慢的!時間都浪費了!」

我都係對住佢幾個鐘,但係導遊哥哥要對住佢幾日,辛苦晒!

奧客 導遊哥哥要對住佢幾日,辛苦晒!
導遊哥哥要對住佢幾日,辛苦晒!(圖片來源:unsplash@odiin)

撰文:豆腐空少圖片來源:新傳媒資料庫、unsplash@odiin、TVB《衝上雲霄》截圖、unsplash@CHUTTERSNAP