如果dirty hands mean clean money,我賺的錢都好乾淨。

我靠自己腳骨力彎腰搬運派餐陪笑沖杯麵換來去看世界的機會,為什麼又要比人屌?我用勞力健康去換我既員工福利,我覺得好公平。我人工包好多野,但唔包比人侮辱。

噢不過我唔記得左做空中服務員就係原罪。

話我地發空姐夢。
話我地唔腳踏實地。
話我地係飛雞。
話我地鍾意食洋腸。
話我地係侍應,淨係識coffee or tea。
話我地淨係識旺季罷工,阻撚住曬。
話我地成日洗板矖命正港女。
話我地無腦。

以前我會好嬲。但而家我唔會。
總有D人只會喺自己嘅世界用一副看透世事既口吻酸言酸語,你打咭就係炫耀,你UP相就係show off,你呻就係自己攞黎。佢亦唔會認自己係葡萄,更會反問,「waiter有咩好羨慕?」「空姐好巴閉?」以示清高。

就算我係waiter,我都係用自己勞力去換生計,點解waiter就唔值得尊重?點解就要比人話係雞?我覺得,無同理心同唔識尊重人既人,好可憐。對住呢啲人,無需多講。

TVB 啲鳩劇講乜就信足,唉,真係話你戇鳩驚你嬲。淨係識左青龍右滑鼠,用一個stereotype去定型所有人,亦無打算去睇清楚事實係點,然後再做天下無敵既鍵盤戰士,自我感覺良好。你話藍絲睇文匯太陽好腦殘,靠電視劇去認識一個行業既你又有咩分別?

世界好大,我好慶幸自己有入呢行見識各種光怪陸離。