東京迪士尼海洋 開園 15 週年,將會進行為期 335 日嘅「東京迪士尼海洋 15 週年慶 The Year of Wishes」,即刻同你解構週年慶有乜搞!

1)  東京迪士尼海洋 15 週年慶幾時開始?

週年慶將會由2016年4 月 15 日開始,至 2017 年 3 月 17 日,大家可以玩足335日!

2)  15 週年慶主題係乜?

主題係「心願」,迪士尼希望同旅客一齊分享對美好將來嘅憧憬,同埋一齊實現心願,向步想前進!

3)  樂園會唔會改頭換面?

雖然樂園唔會大裝修,但就換上咗好多配合主題、好似水晶咁亮眼嘅裝飾,所以都多咗唔少影相位。

當中嘅焦點裝飾就係分佈園區唔同地方嘅「水晶感應點」,因為當大家可以攞住限定商品「水晶羅盤」同感應而發出聲光特效!

4)  有咩紀念商品?

迪士尼海洋推出約 230 樣周邊商品,以迪士尼明星出航作主題圖案,全部都係限量發售。

「水晶羅盤」除咗可以同感應點互動,地中海港灣上演夜間娛樂表演「Fantasmic!」時配合演出內容綻放光彩。

相關文章:東京迪士尼海洋|15 週年慶限定商品

下一頁:週年慶 5 大表演項目

5)  週年慶有咩睇?

迪士尼海洋為咗呢次週年慶,將陸續推出 5 項表演項目,GOtrip同大家率先睇!

a.  揚帆啟程 開展閃亮心願之旅

呢個係為 15 週年慶特設嘅港灣娛樂表演,大家會見到一眾迪士尼明星喺水晶引導下,搭船嚟到地中海港灣,大家可跟隨著佢哋,展開擦亮心願嘅旅程!

|演出地點|地中海港灣
|演出時間|約 25 分鐘
|演出次數|每日 1 – 3 場

b.  動感大樂團首度翻新

2006 年初次登場嘅歌舞娛樂表演「動感大樂團」,將配合週年慶首度翻新部分表演內容及演員服裝,謝幕曲亦將會係Jazz版本嘅 15 週年慶主題曲。

|演出地點|美國海濱「百老匯音樂劇場」
|演出時間|約 30 分鐘
|演出次數|每日 3 – 6 場

c.  全新音樂劇 「走出闇影森林」

7 月 9 日起,全新設計的音樂劇「走出闇影森林」將隆重登場,劇情描述小女孩Mei在冒險中逐漸成長的故事,引領觀眾逐步步進未知的闇影森林。

|演出地點|失落河三角洲「飛機庫舞台」
|演出時間|約 25 分鐘
|演出次數|每日 3 – 6 場

d.  美好心願年:彩車巡遊

米奇、米妮等迪士尼明星將會以 15 週年慶嘅禮服盛裝打扮,坐上滿佈週年慶裝飾嘅大都會交通公具,於美國海濱向出巡,並向遊客致意。

|演出地點|美國海濱「紐約區」
|演出時間|約 10 分鐘

e.  夢想化星光 心願寄星空

於週年慶主題曲襯托下,代表遊客心願的煙火綻放於高空中,令「美好心願年」成為雋永回憶。

|演出地點|園區全域
*本節目於 2016 年 7 月 8 日 – 8 月 31 日期間暫停演出

資料及圖片:東京迪士尼海洋官方網頁

延伸閱讀:

日本東京 | 120萬人挑戰最強拉麵博

東京美食 | 食肉獸最愛3磅鐵板巨扒

日本3月便利店10款必試零食速報!