終於等到了!聞說去年已經短期營業過的東京船梨精cafe,日前再度降臨涉谷地標商場PARCO PART 1,剛好在我短短數天東京背包遊的日程之中,就約了網友一同來試食!
餐廳在9月4日-11月3日期間營業,我們在周六來排隊,雖然一早已預購了門券(方法見本文最尾),本來預訂了8點前往,可惜遲了幾分鐘,所以就要去重新等叫Number(前面大概有三、四十人!),好在樓下有個「海賊王」專門店,總算有個地方可以消磨時間!終於進場!café有好多得意食物,一系列限定食品包括漢堡包、炒飯、Pancake、刨冰,通通都是船梨精的造型!

幸好我們有三個人,可以盡情叫多一點,最可愛的,當然是棉花糖梳打,放了船梨精的五官,再配藍色的梳打水,大家很想吃吧!

 

 

我們在cafe開幕的第二天(9月5日)來到,當天全日的booking已經滿晒!知道來船梨精cafe一定要排隊,所以事前我亦請了在日本的朋友幫忙在網上預訂入場門劵。我們當日預訂了晚上8點,但由於我們遲到了幾分鐘,cafe的服務員就要求我們重新排隊,當時條人龍大約40-50人,我們最後亦等了1個多小時 (幸好樓下一層剛好有One Piece的專門店,讓我們可以好好消磨時間)

終於可以入去喇!坐低前,服務員會幫大家喺cafe門口旁邊同船梨精公仔合照

 

餐廳內不斷重覆播著幾首船梨精好hyper的歌!聽咗一段時間,個人好似反而愈來愈攰……

下一頁:主題菜咖喱飯登場!

 

 

船梨精漢堡包 ¥1,280

船梨精漢堡包配上薯條,而漢堡包上的一對眼同個嘴係威化餅,可以隨便食,不過唔夠脆

船梨精咖哩 ¥1580 (附送船梨精玻璃樽)

碟上嘅咖喱唔夠唔緊要,因為仲有一大碗俾你任加

建議大家影相影到夠本先至開始食,因為當你一食個叻喱飯就變成咁 (圖下)

咖喱比想像中要辣,不過唔緊要,可以飲附送嘅酸奶中和一下。

船梨精素食¥1,380

伴碟素菜有生菜沙律、炸過嘅南瓜、茄子,還有冰鎮的黃椒、紅蘿蔔和粟米芯 (可以點蛋黃醬)

鍾意個船梨精飯碗?加多¥500就送埋俾你

由於我們有3個人,所以我們點了3個主食、3杯飲料,和2個甜品

船梨精凍Latte咖啡 ¥880

(粉藍色的咖啡加上黃色的忌廉?!) 唔係好夠甜,我哋最後要另外加糖水

下一頁:特飲崩壞!船梨精變成一篤……咩?!

 

 

飲到最後,藍色的咖啡加上黃色的忌廉令杯Latte變成一杯「綠色的飲料」

重頭戲:棉花冰梳打水¥880


將右邊樽梨汁直接倒上船梨精棉花糖的臉上,慢慢睇住佢毀容

毀容後就變成咁樣,梨汁加上黃色棉花糖同藍色的梳打水,最後變成一杯綠色的奇怪「混合體」。你可以因為貪玩、想見證船梨精毀容過程而落order,但千萬不要對這杯飲料抱任何期望。雖然未到有藥水味咁差,比較像在喝一杯綠色的糖水(拍完照片和影片之後,我只係飲咗幾啖)

船梨精沙冰 ¥880

唯一同船梨精有關嘅就係雪芭上貼咗一張印船梨精嘅紙之外 (呀..仲有個沙冰係梨味!!)

 

最終回:粟子蛋糕造型揭曉!

點解會有個船梨精膠兜嘅?

咦….打開的時候仲煙霧彌漫?

船梨精栗子蛋糕 ¥1,280

可能因為就嚟收工,所以預備呢個甜品嘅廚師有少少求其 (唔收貨!)

除了外形換上船梨精黃色的面孔之外,基本同一般栗子蛋糕沒有分別(裡面還有一粒約5cm長的栗子,不過最後我哋3個顧住食,沒有拍到 XD)。不過這個甜品用「船梨精膠兜」上菜,打開膠兜時煙霧彌漫的確是幾吸引!

船梨精布丁 ¥ 1,380

同之前咖喱飯一樣,如果你喜歡呢個船梨精嘅碗,加多¥500就會俾埋你

呢個唔似一般布丁咁「軟冧冧」、較硬身,配上波子汽水味道的cream出奇地夾!裡面仲有半個梨、雪糕同埋少少果仁碎,值得一試!

都係個句,大家記得影齊相先開始食!因為當你食完第一啖嘅時候,你就已經認唔到船梨精 =D

埋單平均每人要3300Yen,呢一餐應該會喺我東京之旅最貴的一餐了!

特別多謝與我同行的新朋友(好在有他們幫我預訂門券!有門劵先可以排隊入餐廳!):

大丈夫。東瀛工作遊記! 及

。正在日本讀大學的阿K

 

船梨精(ふなっしー)Café@THE GUEST cafe & diner
限定期間:2015年9月4日-11月3日
地址:渋谷パルコ パート1
營業時間:朝11 / 晚 10
官方網站:http://www.the-guest.com/
貼士:提提想去的朋友,一定要先請日本在地朋友先在網上預訂入場門劵(每張324円),因為沒有門票連排隊都唔俾你排!訂票需要日本Lawson便利店的網上帳號/會員卡,而登記做會員則需要日本地址及電話號碼 (完全都唔想預遊客去咁樣!!)(l-tike.com/event/funacafe/