今年春季大熱 Pantone 粉色,台北一間僅開業半年的現打果汁店,就食正夢幻色調主打漸層果汁,每日 3 點開始大排長龍,人潮堵塞半條街巷,想擠身入去落單都唔容易!原來點飲品前要先攞籌,20 種口味再分為冰沙、奶昔和純果汁3款質感,記者一口氣試畢 3 款,杯杯都果味馥郁,但酸甜度則視乎蔬果的配搭有上下之分,最重要係全部顏色繽紛,打卡必備!想試記得避開繁忙時間,3 點前到訪啦!

text: hoilee | photo: Dick

採訪當日搭正 3 點,人潮多到睇唔到門口,等了半粒鐘先有,癲!

草莓藍莓燕麥奶昔 NT95/HK$22    粉紅拼粉紫的襯色是少女大愛,入口滑溜濃奶香,夾雜脆脆燕麥,還有蜂蜜平衡莓果的酸味。

火龍果菠蘿蘋果冰沙 NT95/HK$22     紅蘿蔔蕃茄菠蘿汁 NT90/HK$21    冰沙質地軟滑,沁涼冰爽,果味出眾,果汁配搭亦清新開胃。

台北食客Rainie:「排了半小時終於買到,果汁包裝有心思,價格比百貨公司的果汁便宜,喝上去健康好飲!」

花甜果室

地址:台北市大安區敦化南路一段 160 巷 40 號
時間:星期一至四及日 12nn-9pm、星期五至六 12nn-9:30pm
交通:乘捷運至忠孝復興站,在東區地下街前轉左,步行 5 分鐘。

下一頁:台北平價日式食堂幾廿蚊埋到單!

延伸閱讀:

食在台北 | 乾杯日式燒肉

台北美食 | 的士司機推介!來一客暖呼呼的小籠包