歐錦棠直擊日本機場同香港一樣冷清　9成舖關閉餘4食店　網民：好快嚟幫手

歐錦棠日本出Trip嘆成田機場面目全非：我認識嘅唔係咁

日本重新開關，讓旅行團及半自由行旅客入境，希望可重振旅遊業刺激經濟。礙於香港仍有回港檢疫措施，不少港人因而卻步，不過歐錦棠（棠哥）最近出走日本東京一星期，除了介紹當地拉麵之選外，亦提到機場的話題。棠哥指「超過九成商舖執咗或者暫停營業，計埋麥當勞成個機場都係得四檔食嘢」，直言「我認識嘅成田機場唔係咁嘅」。網民見狀即表示「好快我就嚟幫手㗎啦」、「係咪要自己買定杯麵機場食」。

歐錦棠首次體驗無人機場　棠哥：空曠到可以打拳

機場等候上機期間，棠哥表示人流少地方又空曠，「悶到可以打場拳」，更即席耍了一套初級套拳。不過有網民指「呢啲日子好快過，好好珍惜吓，等日本正式開放返自由行，再加埋香港0+7 ，到時你想人少都唔得。」網民看到畫面後指感到悲涼，「睇見真係好唏噓」、「我都係今日番，18:15個班機，預早3個鐘黎行街⋯點知⋯⋯」、「

網民以為全世界機場一片死寂　棠哥：你嘅世界一定唔包括歐美

有網民指，日本成田機場冷清的程度與香港「有得揮」，指香港機場同樣變得相當陌生，感覺可憐得很。然而，有網民留言指「其實唔係日本同香港問題，全世界機場都一樣」，此話一出即得到棠哥回應，指「你嘅世界一定唔包括歐洲」；亦有網民回應指「你停留咗喺2020年？」、「6月底去新加坡樟宜機場不知幾旺」、「早兩個月去英國、荷蘭、美國、加拿大嘅機場人頭湧湧，排隊check in都要2-3小時以上，小商店都好旺場，個個都趁Summer外遊，我搭嘅航班仲要over sell ticket,，搞到有人無得上機。」

除了機場，網民最羨慕的是棠哥住的酒店，其景觀可望正位於新宿的哥斯拉酒店（格拉斯麗新宿酒店Hotel Gracery Shinjuku），以往是不少人的打卡點，現時只可看著照片懷念，「疫情前先住完，真係好想再去」、「好懷念，記得佢啱啱開嗰陣，平台嗰度有個制你一撳隻恐龍就會嘩嘩聲咁叫，嗰陣我朋友住樓上，我一起身就落去瘋狂咁撳，嘈醒佢俾佢鬧到開花」、「2015年，第一次日本自由行就book 咗呢間，當時係新開張嘅」。