日本春季限定！資生堂Majolica Majorca 熱推粉紅櫻花妝物

資生堂旗下副線 Majolica Majorca 嘅妝物，尤其是睫毛液都非常好用。今個春季更推出一系列櫻花粉紅化妝品，食正今年大熱「仙氣妝」潮流，加上數量限定，真係今季必搶 item!

01. 櫻花粉紅睫毛液

售價：¥1,200

賣點：可以長時間keep住睫毛向上捲曲，而且防汗、防皮脂及眼淚。靚到不得了嘅PK400粉紅色，搽埋眼尾同下睫毛，仙氣發發聲飄出嚟！

售價：¥950

賣點：筆頭由只有0.02mm 毛組成，極為纖細，硬度夠所以非常易用，眼線液充滿光澤，有閃令令效果。

售價：¥1,500

胭脂盒連一個鬆鬆嘅 Puff 粉撲，於面頰位打轉，即可輕易做出紅粉菲菲感覺。粉紅色加上閃粉，透明感十足，而且效果持久。

售價：¥600

賣點：針對乾燥唇紋嘅潤唇膏，含有充足美容液，搽咗好似幫個嘴敷Mask一樣，加埋可愛嘅櫻桃色，就更加好似BB嘴咁嫩滑。

售價：¥1,000

賣點：預定 3 月 21 日開始發售嘅新色粉底，特別設計嘅粉盒，用完可以 Refill。限定新色 CC Colour 偏粉紅，呈現自然肌膚色，粉底有防油脂、覆蓋毛孔等效果。