夏威夷,一個好多香港人都知但未必去過嘅地方,對於夏威夷嘅印象,相信好多人都會諗起菠蘿同草裙舞,但你有冇諗過夏威夷人平日係食咩㗎呢?
答案就係:午餐肉壽司Musubi

由美國午餐肉品牌 Spam、加上白飯再用紫菜包住而成,同日本嘅壽司唔同嘅係,Musubi用嘅飯冇加入白醋,而且係熱食嘅。

先講少少 Musubi 嘅由來,話說 Spam 午餐肉係美國軍人主要嘅食糧,二次大戰時美軍將Spam帶到夏威夷,令到Spam喺夏威夷普及起嚟,而當地嘅日本人亦將 Spam 轉化成依家嘅午餐肉壽司。

除咗一般午餐肉加飯嘅Musubi(大約港幣$16),也有加埋蛋嘅選擇(大約港幣$20),食嗰陣感覺尤如食緊餐蛋飯一樣。

好啦,食飽係要郁動吓,話晒嚟到夏威夷,當然要去跳個草裙舞啦!

延伸閱讀:

歐洲 | 布拉格街頭食廣東點心