如果揀一樣最具代表性兼最地道嘅香港美食,揀廣東點心應該無乜人反對!近來,一位捷克廚師更深深地被香港嘅「一盎兩件」吸引住,早前就喺布拉格嘅街頭發起咗個點心車快閃活動,為期兩日,旨在帶呢款香港美食畀當地人一試,而嚟緊仲會去唔同餐廳做個「點心巡禮」!呢個快閃活動不禁令記者回憶起舊時喺酒樓,都係喺部點心車前篤點心……唔知香港地嘅酒樓又會唔會學似人哋外國咁,保留返屬於廣東文化嘅點心車呢?

圖片來源:facebook.com/VinárnaBokovka

europe_prague_dimsum4
睇捷克廚師蒸起點心嚟都有板有眼㗎,真係忍唔住要講句:「真係食過夜粥」喎!

我哋平日去酒樓食點心就配壺中國茶,傳到嚟外國就配餐酒,呢次真係體現咗中西文化交匯呀!
我哋平日去酒樓食點心就配壺中國茶,傳到嚟外國就配餐酒,呢次真係體驗咗中西文化交匯呀!

下頁:點心車入面有咩食?

如果以快閃活動嚟講,今次呢個 pop up 點心車活動提供嘅點心款式都唔算少。睇返以下嘅官方餐單,唔同餡料兼唔同做法嘅餃子,佢哋就統稱為點心(Dim Sum),有豬肉、鴨肉、吞拿魚、火雞等等都有揀,另外,仲有港人至 Like嘅叉燒包、蝦腸同馬拉糕都有,雖然賣相同做法唔同咗,但佢哋亦跟足廣東「一盅兩件」嘅擺法,每盅點心只有兩件!

圖片來源:facebook.com/TamarindTreeCZ

官方餐牌
官方餐牌

各式各樣的餃子,有款仲貌似燒賣!
各式各樣的餃子,有款仲貌似燒賣!

炸餃子!?
炸餃子!?

捷克版的馬拉糕
捷克版的馬拉糕

相關文章