【移民英國】不少港人都計劃安排子女到海外升學,是次由居英港媽分享子女在英國升學的經驗,據港媽說報免學費的公立學校,原來住校網有著數!想了更多英國升學心得,立即看內文吧!

撰文:港媽 • 講英Kwuny (原文刊於《新假期》雜誌 1097期)|圖片來源:Shutterstock

「搵完 county 落腳,咁就要搵地區睇屋啦!但如果你係好似小女咁,有兩粒小豆釘,而又想報讀免費嘅公立學校,咁校網就真係好決定買或租屋嘅地區。所以,今次講下揀學校可能要考慮啲乜。」

英國升學|港媽分享揀學校心得 3種學校邊種最易入牛津劍橋?

移民英國|港媽分享3大類揀學校心得 邊間最易入牛津劍橋?
移民英國|居英港媽分享英國升學心得(圖片來源:Shutterstock)

英國升學教育體制簡介

3歲入學讀nursery,之後升reception、year 1、year 2,咁就叫完成key stage 1,考個評分試就上primary school,呢類學校會叫 infant school 或 early years。Primary school 或 junior school 大概等於香港嘅小學,由 year 3到 year 6。到 year 6考個評分試叫 key stage 2,就升上 secondary school。Secondary school大概等於香港嘅中學,由year 7到year 11。Year 9時,會考個評分試叫key stage 3,之後就係 year 10同 year 11時讀兩年嘅 GCSE,即係香港認知嘅會考。Year 10會考個 mock exam,啲grade 都重要,因為用來報 6th form攞offer。最後喺year 11 summer term時考個堅嘅試,大概考10-12科。8月左右就考試放榜,攞住份成績就去 confirm 之前已收offer嘅6th form。

6th form或A-level years即係香港認知嘅預科,由year 12到year 13,私校就鍾意叫lower sixth同upper sixth。第一年多數揀四科讀,第二年就drop一科剩係讀三科。第一年個考試好重要,因為啲grade當predicted results用來報大學 攞offer。Year 13 Easter左右就考個堅嘅A-level試,summer放榜,攞住成績去confirm大學學位,或用clearing。呢啲已經係好遙遠嘅事,等我兩個小豆釘再大啲先講。

英國學校3大類別

1 •State School•

政府學校,唔使錢,跟校網收生,成績同學生質素可以好參差。

2 •Independent School•

私校,即係要交學費,同埋多數要考試收生,成績同學生 背景普遍中上。多數私校會offer scholarship,可減25%、50% 或100% 學費,但當然要考試。

3 •Grammar School•

唔使錢,可以有私校成績,但要考試收生,學生同教學質素有保證。

揀邊類學校好?

Independent School多數都係歷史悠久嘅學院,有著深厚嘅英倫文 化,學生可認識更多英式禮儀同傳統,以及參加校內好多State School未必 provide到嘅英式活動,例如polo、chapel choir、加入海/陸/空軍。另外,同 學嘅背景都會普遍係中上,即係可能去同學仔生日 party,場地出面會泊咗幾架 法拉利。如果想貴子弟擁有一個好英倫嘅洗禮,有一班中上背景嘅同學仔,而又 負擔得起嘅,Independent School 會係一個好選擇。

Grammar School學術性比較高,唔係話有錢有地址就入到,學生成績方 面有保障,但背景就可以好唔同。入Oxbridge(即牛津及劍橋)機會稍為高過私 校,因為政府曾鼓勵大學收多啲非私校生(影響funding)。另外,學校未必近屋 企,所以要預管接送,或學生自己搭巴士(仲有機會要轉車 )。

State School每一區都有,跟校網收生,即係你住喺學校catchment就 99% 入到,嗰1% 就係如果你地址係 catchment 邊皮,而你嘅心儀學校亦都係好 多家長嘅心儀學校,咁學校就會 prioritise 住得最近嘅學生,之後向外咁收,所以 有機會入唔到。換句話嚟講,如果你超想入某間學校,住喺學校隔籬就最保證。

係呀,State School 睇邊個住得近啲,唔係邊個識得最多語言樂器字母數 字。所以,學生質素會參差,但唔代表冇好學校。大家可以參考政府做嘅學校 inspection,叫「 OFSTED 」report,listed「 outstanding 」為最 top。

多數私校就一條龍服務,由小學上到預科,如果唔係點賺你錢。Grammar School 會有一條龍,亦都有一嚿嚿,即係只辦小學或只辦中學,驚死玩唔死啲 父母同學生,考完7+(入小學)再考11+(入中學)。State School就大部分係 infant school、primary school同secondary school連6th form都分開晒,隔 幾年就換一次校服,正呀!

溫馨提示

注意:Nursery喺英國係要畀錢,亦都有啲State School 嘅infant school辦埋就可以有政府資助,每位學 生每星期15小時free childcare,即係周一至五 每日上堂3小時。

注意:因為只返半日學,如果父母都要返工,咁邊個照 顧小朋友呀?香港嘅答案就梗係由工人姐姐公公 婆婆爺爺嫲嫲照顧,而英國嘅答案就係:wrap around。即係如果小朋友返下午班,咁你早上返 工前放小朋友喺學校,有專人同小朋友玩、食茶 點、睇電視、做勞作、食午餐,直至下午上堂時 間。放學又有專人照顧小朋友直至5:30pm左右 , 你放工接番佢 。(係 , 多數人5:00pm就放工 ! ) 費用?如果合資格,就可以有政府資助,完全免 費。呀!每日仲有新鮮牛奶飲同生果食。

港媽•講英
移民英國|居英港媽分享英國升學心得(圖片來源:Shutterstock)

結論:「私校未必係最好!」

每類學校都各有千秋 同自己文化,有啲教 育 agent 為咗生意只 說Grammar School 同State School如何 如 何 差, 私 校 係 最 好,但從小朋友嘅性格同 喜好出發比較重要。如小朋 友性格好動喜歡室外,不妨考慮一間有 forest school 嘅學校。當然小女只是師奶仔一個,唔係專業,以上只是當年還年少時嘅經驗所談。

資料來源:港媽 • 講英
Facebook:港媽 • 講英

免責聲明:本專頁刊載的所有移民資訊,只可作參考用途。讀者在作出決定前理應審慎,若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。