大家去過台灣嘅夜市,都無理由未見過與魷魚相關的小吃,但咁大條炸魷魚,唔知各位網友會唔會去挑下機呢?嚟到逢甲夜市,小編覺得挑戰下都無妨……嘅

呢檔位於逢甲夜市其中一條小巷嘅炸魷魚,小編每次到逢甲都會嚟食,話知之後會食其他野或者生暗瘡啦!不單係因為佢炸得唔錯,而且條魷魚都好吸引小編。

佢有中尾和巨無霸兩種Size比你揀(小編第一次食的時候還有大尾和特大尾選擇),小編行到埋店員面前,緊係要食巨無霸(盛惠NT$100)啦!

店員將新鮮魷魚包上炸粉放入油鍋裡炸,炸到金黃色後就拿上來瀝乾油份,然後切成一塊塊咁樣,最後客人可以從12種醬料中(有日式和風、泰式醬、蒜味醬、Wasabi、檸檬椒鹽等醬料選擇)自己揀兩種落條魷魚度,小編揀左沙拉明太子和原味椒鹽放落條魷魚度。

大家可能會覺得炸野通常好油膩,但係小編覺得條魷魚都唔算油,另外外皮幾脆,魷魚食落去都幾鮮甜,而沙拉明太子呢個醬同條炸魷魚又真係好Match,
小編食完一塊又一塊,眨下眼咁大條炸魷魚就食晒了,你話小編係痴左線定係小編太大食呢LOL

如果你好似小編咁食得,你可以買條巨無霸嚟食;如果你比較細食或者想留肚食其他野,買中尾(NT$50)就好了。

逢甲七味酥炸大魷魚

地址:台中市西屯區逢甲路20巷8號(官芝霖嗰條巷行入去,行到右手邊第一條巷就係了,炒麵麵包對面)
電話:0985-788-890
營業時間:星期二至四16:30-23:30、星期五至日16:00-00:30,星期一休息

延伸閱讀

台中復古文青Cafe

台中大里龍貓公車站遊記

台中大里初麵食記