19 Feb 更新:再次亮燈!

第二階段的亮燈會由2月20日(星期六)開始到22日(星期一),每晚6時至11時亮燈在添馬公園展出,大家把握機會去拍照點亮中國情人節吧!

17 Feb 更新: 熄燈3天!
為安排第二階段展覽,花海將進行「遷徙」, Light Rose Garden玫瑰燈海園即日起一連三晚暫停亮燈,期間如常開放; 第二階段公開展覽2月20日(星期六)至22日(星期一)再次亮燈迎接中國情人節。

實戰經驗:

  • 編輯在情人節正日晚上約 7 時左右已經到達金鐘地鐵站。海富中心人頭湧湧,指示唔清楚,人流管制做得唔夠好,令好多人都浪費半小時迫上天橋再落天橋。
  • 當日見到有人直接搭的士去到展區前,亦有人唔經天橋,從地面行到海邊,呢 D 方法大家都可以參考!
  • 一定記得預留多 D 時間去排隊!由於太多人,你無姚明咁高都唔駛指意影到花,現場見到好多人都好醒目咁帶定超長自拍棍!

來自首爾的Light Rose Garden終於登陸香港,浪漫壯觀的玫瑰花海「種」於香港最具代表性的環海濱,25,000朵LED白玫瑰花點亮中西兩個情人節!如果想去襯熱鬧,以下貼士你要知:

Q1:/2月20日至22日會移去哪裡?

A:/踏入元宵節(2月20至22日)白花會則移師至添馬公園展出(其實都不過是毗連的草地)。

前年七警「暗角打鑊」示威者的案發地點,亦離開Light Rose Garden不遠!

Q2:/搭咩車去最方便?

A:/同當年前往佔領區路線相同,市民可以搭港鐵至金鐘站海富中心A出口,沿扶手梯攀上行人天橋,徒步穿過政總即達,甚方便。

Q3:/幾點亮燈?幾點去最好?

A:/花海每晚6時至11時亮燈,不建議太夜前往,趁天未黑4至7點最佳,可以影晒兩款天色!

 

下一頁:搶手靚位喺邊度?你有冇聽過抄襲指控?

相關文章:

情人節晚,我目擊一場「無位跪地」的求婚

特別的取景技巧!白色花海攝影教學

Q4:/草地多唔多蚊?會唔會好濕?

A:/以試燈首日為例,氣溫回暖,亦不算太潮濕,現場唔算多蚊,但有網民表示政總風水唔好,若怕蟲咬,建議帶備蚊怕水。

Q5:/草地可以內進嗎?

A:/插了白花的草地(花壇),都不可踐踏內進,圍繩大概去到膝頭位對落少少,唔算高,市民要自律,唔好為拍攝身處花海而越界。

Q6:/會唔會勁多人?要唔要霸位?

A:/白玫瑰花有足足25,000朵咁多,基本上點都影到,但亦建議早到「霸位」,係因為每個花壇之間嘅路其實都幾窄,想同花影相就最好霸定位等著燈,唔係就只可以一路行好難影相!

Q7:/聽講單嘢有「抄襲疑雲」?花海係唔係首爾山寨版?

A:/今次展出的白玫瑰是獲韓國官方單位授權,非抄襲;跟早前被捲入抄襲指控的義賣「Light Rose」玫瑰感應燈是兩個不同作品。

Q8:/有冇相睇?

A:/有!▼請點擊以下圖集看大相▼

下一頁:特別的取景技巧!白色花海攝影教學

延伸閱讀:

對抗土地問題 | 本地4大情人節酒店優惠推介

情人節約會好去處 | 精選 7 間特色香港酒店

本地好去處|逃出鬧市!歎盡5大寧靜好Brunch

情人節禮物有什麼推薦?

情人節將至,與另一半慶祝節日時,不要忘記重要的情人節禮物,精選出一系列男女朋友必愛又實用的禮物,求生必睇:女朋友篇男朋友篇

情人節朱古力有什麼推介?

各大朱古力牌子禮盒及自製朱古力也是一個好選擇,大可一覽情人節朱古力推介