旅行趣聞｜外國人：你個英文名係點嚟？

去旅行，認識到新朋友時，當然會問「What’s your name ? 」。好啦，每次講完自己個英文名，好多人都會跟手問多幾條問題，而呢啲問題，我係從來都無諗過⋯⋯

授權轉載：自由人背包記

通常佢哋都會問：

01 | 「呢個係咪你真名？點解你會用英文名？」

其實諗下又真係幾搞笑，喺香港，除咗中學或之前的時期，我哋介紹自己會講全名之外，基本上一去到大專或大學之後，大家都只係講自己個英文名又或者簡稱。

尤其出嚟做野，可能你喺公司做咗幾年嘢，都唔會知道你同事全名。我哋個全名，好似只係一啲好熟你又或者同你關係好好嘅人先會知道，但其實就算知道你全名，有人無啦啦叫你個全名，通常好多人都係唔鍾意。我哋個名，就好似係一個袐密咁唔俾得人知。

同時，你哋又有無諗過自己個英文名點嚟？呀爸呀媽幫你改？而有啲名，其實外國人又會覺得好奇怪。例如：Apple，Candy。呢啲名唔知點解係我哋亞洲人先會用。大家如果改一啲喺聖經故事入面的人物，可能要小心留意返佢哋嘅意思。

其實很多香港人的英文名都用了很久，突然被這樣問起真的不知道該如何解釋。不過就有網民回應，其實改英文名就是為了方便與外國人溝通，自我介紹的時候說中文他們也聽不懂吧！

不過也有網民分享自己的經歷，原來有些外國人不會認為我們自己改的英文名是「real name」！所以大家不妨在自我介紹的時候用回中文名譯音，不用害怕他們覺得奇怪。

旅行，總會有啲平時我哋覺得好正常的事，但喺外國人眼中可能會有啲疑惑。但當佢哋問到嘅時候，有時連我都答唔到！大家得閒也可以思考下呢個問題！

大家快啲去我 facebook page 比個 like 我!!
你們的支持，是我繼續寫文的動力!