第30屆澳門國際煙花比賽匯演,今年9月舉行啦!除咗可以欣賞到璀璨嘅煙花,仲設有其他比賽畀公眾參加,有興趣嘅朋友記得留意詳情啦!

撰文:KM | 圖片來源:澳門特別行政區政府旅遊局

每年9月,一般喺星期六、中秋節及國慶日夜晚,都會舉行兩場煙花比賽匯演。唔少澳門市民同旅客會特意前往,欣賞美麗嘅煙花匯演,度過既熱鬧又浪漫嘅假期。

澳門煙花
澳門國際煙花比賽匯演
澳門煙花
澳門國際煙花比賽匯演

今年澳門國際煙花比賽匯演,會喺9月7日、13日、21日、28日,以及10月1日、5日,晚上9時及9時40分舉行。今次參賽嘅國家來自馬來西亞、菲律賓、葡萄牙、韓國、英國、羅馬尼亞、南非、加拿大、法國、中國、日本同澳洲。

澳門煙花
澳門國際煙花比賽匯演參賽國家

除咗煙花比賽之外,每年仲會舉辦攝影比賽、學生繪畫比賽及獎盃設計比賽,吸引本地攝影愛好者、學生及創意人士參與。

澳門煙花
第29屆澳門國際煙花比賽匯演攝影得獎作品
澳門煙花
第29屆澳門國際煙花比賽匯演攝影得獎作品

相關文章