京都紅葉2023|京都承載日本傳統文化,係一個古色古香嘅地方,秋季將至,今次就會為大家介紹一下5個熱門睇紅葉景點,連最佳賞楓時間,記得唔好錯過喇!如果唔想同紅葉擦肩而過,記得買機票前留意埋今年嘅紅葉預測,即睇詳情!
日本紅葉情報20237間京都溫泉酒店推薦

京都紅葉2023|關西賞楓地點及預測時間

  • 2023楓葉預計最佳觀賞時間:10月中至12月上旬
關西紅葉 最佳觀賞日期 關西紅葉 最佳觀賞日期
大阪 12/3 科比 12/2
彥根 12/4 奈良 11/26
京都 12/10 和歌山 12/12
 京都紅葉 東京紅葉 日本紅葉 紅葉 日本最新紅葉見頃預測。
日本最新紅葉見頃預測。(圖片來源:weathernews.jp)

京都紅葉2023|01. 清水寺

講到京都嘅景點,一定會提到清水寺。清水寺係京都嘅象徵,而清水寺嘅紅葉更係人生必看嘅風景之一。喺晚上6時半點燈後,寺院中嘅紅葉真係好靚,甚至令人忘記自己身處何方。另外,清水寺「仁王門」喺四周紅葉襯托下,真係靚到似一幅畫,更係IG打卡熱點之一!
 京都紅葉 日本紅葉
(圖片來源:清水寺官網)
秋期預測 11月中至12月初
開放時間 6:00 – 18:00
地址 京都市東山区清水一丁目
交通 從JR京都站出,坐206、100號巴士至「五条坂」下車步行10分鐘

清水寺秋夜特別參拜活動

另外,清水寺喺每年春、夏、秋季會舉辦一年三次嘅夜間特別參觀活動,而今年嘅11月18日至30日期間,會舉行秋夜特別參拜活動。
日期 11月18日至30日
開放時間 將延長至21:30
 京都紅葉 日本紅葉
(圖片來源:清水寺官網)

京都紅葉2023|2. 八瀬瑠璃光院

就算冇睇過八瀬瑠璃光院,應該都會見過琉璃光院嘅紅葉窗景。一望出窗,見到傳統日式庭園建築加上美麗嘅紅葉,只能用「世外桃源」來形容呢種迷人景致。靜靜坐喺室內,望住窗外絕景,時間好似靜止一樣。
 京都紅葉 日本紅葉
(圖片來源:八瀬瑠璃光院官網)

秋季特別拜觀

另外,八瀬瑠璃光院每年只對外開放2次,並唔係日日開放,所以大家如果要去,就要留意秋季特別拜觀嘅時間。
開放日期 10月1日至12月12日
開放時間 10:00 – 17:00
地址 京都府京都市左京区上高野东山55
交通 從「出町柳駅」出發,搭乘叡山電車,於終點站「八瀬比叡山口駅」下車,步行5分鐘

京都紅葉2023|03. 北野天滿宮

喺充滿古色古香嘅京都,如果要睇紅葉,一定唔少得北野天滿宮!北野天滿宮係歷史最悠久嘅賞楓景點之一,入面嘅「紅葉苑」,有300多株紅葉;而「鶯橋」更係一個打卡好地方,橋下小河灑滿紅葉,真係唔捨得走!每年秋季,神社「紅葉苑」會開放,遊客可以進入紅葉苑,嘆住茶欣賞紅葉。
 京都紅葉 日本紅葉
(圖片來源:FB@北野天満宮)
平日開放時間 5:00至18:00 (4月 – 9月) 5:30至17:30(10月 – 3月)
紅葉苑亮燈期間 京都府京都市上京区馬喰町
地址 京都府京都市上京区馬喰町
交通 從JR京都站搭乘市內巴士50或101路線,至北野天滿宮前下車

京都紅葉2023|04. 叡山電車紅葉隧道

叡山電車紅葉隧道係IG打卡必去嘅地方,更加係行程中唔可以錯過嘅景點!好多人去貴船神社或鞍馬寺,都會搭叡山電車,而喺乘車期間會經過紅葉隧道(從出町柳乘坐往鞍馬方面的列車約20分鐘),真係好靚呀!大家去嘅時候,記得要坐展望列車KIRARA,因為呢班車會採用大片景觀玻璃,觀賞紅葉嘅效果會更好。
 京都紅葉 日本紅葉
(圖片來源:叡山電車官網)

京都紅葉2023|05. 貴船神社

體驗完叡山電車紅葉隧道後,就輪到貴船神社。貴船神社係當地有名嘅戀愛結緣神社,亦是秋天賞楓秘境。喺每年11月,貴船神社嘅「紅葉燈籠祭」都吸引咗唔少遊客,在夜裡觀賞紅葉,真係別有一番風味。
 京都紅葉 日本紅葉
(圖片來源:FB@貴船神社)
開放時間 6:00至20:00(5月1日至11月30日)
地址 6:00至18:00(12 月1日至4月30日)
地址 京都市左京区鞍馬貴船町
交通 乘搭市巴士17號到「出町柳駅前」,轉搭叡山電車到「貴船口駅」,轉搭京都巴士33號到「貴船」,再走5分鐘後就抵達貴船神社

京都紅葉2023|06. 嵐山小火車 乘列車穿越紅葉

京都嵐山可以說是京都必到的賞楓熱點,當中的嵯峨野觀光鐵道(嵐山小火車)一路沿著保津川峽谷運行,火紅的楓葉在窗外掠過,加上灰白的山巒和清澈的河水,安坐車中就可以一次過飽覽。秋季晚上亮燈後,穿梭於楓樹和燈光之間,更添奇幻感,大家可以先遊覽嵐山其他景點,入夜後再乘列車賞楓,活動將會開放至12月,搶不到11月的機票還有機會去。

嵯峨野觀光鐵道 「秋のライトアップ」

日期:2022年10月中旬 – 12月 時間:16:30 – 尾班車 收費:大人(片道)800日圓
 日本京都紅葉 日本紅葉 坐著嵐山火車也可欣賞夜楓。
坐著嵐山火車也可欣賞夜楓。(圖片來源:京都市觀光協會)

 

日本不同地區的紅葉時間預計大不同?

日本今年預計10月氣溫較往年高,11月則接近往年,根據日本weathernew第一回紅葉預測,北海道及東北地區約…2022日本最新紅葉情報

哪紅葉景點有秋夜特別參拜活動?

5大紅葉景點之中,其中一間寺廟每年春、夏、秋季會舉辦一年三次嘅夜間特別參觀活動,而今年…詳情請看

撰文:SY圖片來源:清水寺官網、八瀬瑠璃光院官網、FB@貴船神社、FB@北野天満宮