據《Daily Mail》報道,美國亞特蘭大有一名男子喺6月30日,由美國紐約搭飛機前往以色列期間,出現過敏性休克,手臂腫脹、仲出現呼吸困難。機組人員知道後立即廣播,睇下同機上有冇醫療人員可以幫手。幸好喺緊急關頭,被「全球最靚仔醫生」Doctor Mike救返一命。

撰文:SL|來源:doctor.mike@IG、Daily Mail

全球最靚仔醫生

呢名29歲醫生Mikhail Varshavski(Doctor Mike),立刻為乘客進行急救,判斷病人係急性過敏。

雖然飛機上冇專用治療急性過敏嘅藥,但Doctor Mike好冷靜咁為病人注射適當藥物,最後成功令病人呼吸恢復暢順,仲喺每30分鐘檢查一次病人狀況。

Doctor Mike嘅Instagram有320萬粉絲

Doctor Mike空中救人的事件被媒體報導後,有人就認到Doctor Mike曾經獲美國《時人雜誌》票選為「全球最靚仔醫生」。

Doctor Mike除咗有高超醫術,仲好靚仔又大隻,所以佢嘅Instagram有超過320萬粉絲追蹤。

研究:約會對象顏值愈高 食量愈少

好多人都話靚仔可以當飯食,究竟係咪真呢?英國泰晤士報發現,單身男女與另一半約會時,如果對象的外貌出眾,又對對方有興趣的話,他們的食慾都會減少。所以話,靚仔真係可以當飯食!

東卡羅萊納大學的研究團隊進行研究,他們邀請了639名平均年齡為18歲的男女,逐一訪問他們如果與一個高顏值的對象約會食飯時,他們會選擇什麼食物。

研究人員先向每一位被訪者展示一幅異性的相片,然後詢問他們,如果要與這一位對象食飯,他會選擇怎樣的食物。

研究人員預先把相片上的人物以顏值分為三類,發現如果對象是最有魅力的一類,大家都會選擇更健康的食物,通常是較低卡路里,或是會直接減少食量。

但是,如果約會對象是同性、對他完全沒有興趣、或是與已穩定交往中的對象食飯,他們對食物的選擇都不會有特別的顧慮。因此可以概括,只有一個顏值高的對象坐在自己對面食飯時,我們才會顧及食物的選擇。

研究人員指,這是因為年輕男女都希望可以以最美最瘦的狀態去與心儀的對象見面,為的就是可以在對方的心中留下美好的印象,才會對所選擇的食物有要求。

特別是現今社會普遍都覺得女性就是要瘦,而女性又會覺得食得健康才像一個女生,更能吸引異性的注意力。不過,兩個人見面最緊要是當中的交流,到發展關係時才會更順利。