去韓國嘅朋友都知道,喺韓國出/入境都要排長龍。以前想快速過關就要辦理SES(Smart Entry Service)自動通關服務,不過由7月10日開始,從仁川、金浦、濟州等國際機場離境嘅外國旅客,無需事先申請就可以直接從自動通關通道出境,對遊韓人士嚟講真係一大福音呀!

撰文:KM|圖:新傳媒資料室、韓國SES官網、韓國觀光公社

 

旅客無需申請 韓國離境可走「自動通關通道」

韓國SES(Smart entry service)宣布,從2019年7月10日起,外國旅客從韓國各大機場離境,免申請就可以行SES通道。韓國政府為咗方便旅客,只要喺入境時登錄指紋及臉部辨識,離境時無需事先申請SES,就可以直接走自動通關通道。

每次出/入境韓國都要排長龍。

免申請離境自動通關適用於仁川機場、金海機場、金浦機場、濟州機場和大邱機場。以後喺韓國離境無需申請,就可以走自動通關通道,離境就更方便及快捷。

免申請離境自動通關適用於仁川國際機場。

韓國離境自動通關程序

離境自動通關程序簡單,只要站在通道上,將護照資料頁放喺識別機,再喺讀取機放上食指,最後臉望向螢幕,系統確認後就可以離境,真係好方便。

韓國離境自動通關程序

以後離境就更方便啦!

免申請離境自動通關注意事項

01 | 須為17歲以上嘅外國籍旅客

02 | 短期來韓嘅旅客,旅遊時間不超過90天

03 | 入境韓國時,旅客已提供臉部及指紋辨識

04 | 入境時未能提供臉部或指紋辨識、旅客護照資料不吻合,或超過所規定嘅滯留時間,就要走人工通道

是次免申請離境自動通關只限出境韓國時使用!如果旅客入境時無申請過SES,就要排隊走人工通道啦!

相關文章