相信好多朋友仔都有睇過「麥兜」呢套港產動畫,有一幕係講麥太帶麥兜去食lunch點餐,講完一輪都點唔到餐。

話說嗰日飛美國遇到一班來自廣州嘅大叔大媽,佢哋完全係挑戰緊我嘅耐性,問咗一大輪都係搞唔清佢哋到底想要乜!

乘客食飛機餐 慘變「麥兜點餐」無限輪迴⋯⋯

我:「三位想食乜?」

大媽:「有咩吃?」

我:「派咗菜單畀你哋喇!雞飯辣嘅,豬肉丸配薯泥,仲有長通粉。」

大媽:「我唔吃辣嘅,有咩吃?」

我:「咁肉丸或者長通粉啦!」

大媽:「吓?我要吃飯喎!」

我:「雞飯係辣㗎!」

大媽:「我唔吃辣嘅,有咩吃?」

我:「咪講咗你知,有肉丸配薯泥或者番茄長通粉囉!」

大媽:「但我要食飯喎!」

大媽:「冇啖好吃喎!咁有咩吃啊?」

我聽到呢度已經崩潰,佢哋貌似聽唔明我講乜咁樣,好!再講多次。

我:「飯係冇唔辣嘅,要唔辣,就一係薯泥或者長通粉。」


大媽:「咁飯係辣嘅,唔辣有咩吃?」

大佬,你一刀殺死我啦!我後面仲有十幾個客,佢哋等到瞓著喇!!!

我:「豬肉配薯泥或者芝士番茄長通粉,你想要邊個?」

大媽:「冇啖好吃喎!」

我:「你諗下先啦!後面等咗好耐,我晏啲返嚟。」

大媽:「咁有咩吃啊?」

相信大家睇到呢度都應該有少少躁底,但奈何我喺現場要忍住唔爆粗,真係要好克制,最終我隊咗三個長通粉畀佢哋就算數。我絕對係唔明點解有人會講極都唔明,仲要無限輪迴,好似錄音機一樣。

最後用嗰一幕動畫嘅最後一句:

「吓?家下仲晚餐?過晒鐘啦!」

「吓?家下仲晚餐?過晒鐘啦!」

相關文章