參加導賞團,台灣導遊一眼睇出係香港人

參加導賞團,台灣導遊一眼睇出係香港人

去到外國,有好多景點,尤其係參觀古蹟、皇宮、城堡、古代監獄,為咗更容易令遊客了解景點歷史,都需要遊客參加導賞團。

大多數導賞團都會由一位導遊帶十多名遊客,作用係更有效管理參觀者,同時參觀每個地方都會用心解釋各處歷史故事。

香港人嘅旅遊特質,就係好鍾意影相!

先講我個人覺得導賞團嘅優點,有一次去法國參觀皇宮,導遊對住塊天花板壁畫講解咗十幾分鐘,雖然係好悶好冗長,我又唔太熟悉歷史,但都引起我之後上網查閱嘅興趣。我成日都諗,如果我學生時代有機會嚟呢種地方,可能我對歷史會感到興趣,更加留心聽書。

 

但我發現自己都擁有好多香港人有嘅旅遊特質,就係去任何景點都好鍾意影相!話說有一次參觀古代監獄,我興致勃勃卯足勁咁聽導遊講故事,但當我經過牢房同刑具時,我……我真係……

好想影相!但導遊講解完之後,就一支箭走咗去,其他外國遊客亦冇打算影相嘅衝動,我只好跟隨大隊離開。

相關文章