《周遊關西》播出個多星期,周奕瑋(Jarvis)帶大家來到京都、大阪一帶,介紹不少美食玩樂好去處,當大家誤以為這就是個一般的旅遊節目時,想不到在第七集介紹一間箱壽司店時,竟然大灑洋蔥,令網民深受感動,在Jarvis的Facebook上洗板式留言,成為了《周遊關西》最感動時刻!

撰文:關西旅行愛好者 |圖片:《周遊關西》截圖、周奕瑋Facebook|編輯:J|原文刊於《新假期》

《周遊關西》第七集獲網民激讚,周奕瑋發文感謝觀眾

無綫旅遊節目《周遊關西》噚晚播出第7集,主持周奕瑋帶大家去到大阪市櫻川一家主要賣箱壽司嘅食店。食店創業至今已經114年,掌舵人一代接一代,而店舖位置亦曾經變動過,可謂一間有歷史亦有故事嘅店舖。

周遊關西

食店而家由第三代傳人,84歲小林利朗先生獨自打理,由烹調食物、門面清理定係落單,都由小林先生一手包辦。喺閒談過程之中,Jarvis問小林先生有無諗過想做壽司職人以外嘅職業,而小林先生則表示細個想從事電影行業。

周遊關西 周遊關西

小林先生又指,由於自己係長子,所以注定要繼承家業,因而放棄做電影工作嘅夢想。同時,小林先生為咗可以畀細佬妹做自己鍾意做嘅事,所以決定由佢自己守住百年老店。

周遊關西

周遊關西

一位84歲老人獨自打理食店就梗係辛苦,而小林先生堅持做落去嘅原因係源自客人鼓勵,所以小林先生認為有氣有力嘅時候,仍然要堅持落去。

周遊關西 周遊關西

周遊關西
小林先生手指已彎曲到無痛楚

小林先生堅持家業背後故事感動唔少觀眾,大部分觀眾亦去到Jarvis嘅Facebook同Instagram留言,大讚《周遊關西》「最正係呢集」,亦有人話小林先生嘅故事令人非常感動。

周遊關西
箱壽司老板故事,令網民睇《周遊關西》睇到想喊!

周遊關西 周遊關西

今日下午Jarvis將少量觀眾留言Post上Facebook,並寫道:

「這些文字、讓我知道自己沒做錯、沒走錯、只是做得還不夠多、不夠讓這能量在世界顯眼。」

「沒有人有必要為你花心思寫那麼多字,也沒有人有必要回應你傳開去的能量。」

周遊關西

最後亦加上Hashtag「朝早搞到我流眼淚你哋好毒」,可見網民留言觸動到Jarivs,不過最重點係,其實都係靠Jarvis同團隊努力先拍到呢集《周遊關西》咁令人感動嘅故事姐。

下一頁:【大阪木津市場】周奕瑋熱推|大阪平買當造生果 | 品嘗拖羅壽司、鰻魚飯!(附交通及前往方法)

相關文章