【日本100円店】每次去日本,總會搵樓高幾層嘅大型100円店行下掃好物,但同時又因為實在太大太多商品,行到腳斷都唔知買咩先好。貼心嘅DAISO幾乎每樣商品都係「懶人福音」,一樣小產品就可以大大省卻好多步驟,即睇日本網友今期有咩相逢恨晚嘅DAISO實用好物推介!

撰文:C |圖片來源:Twitter

日本100円店 DAISO好物推介

1|髮梳保護網

無論係咪容易脫髮都好,每次梳頭都總會甩頭髮並且纏在梳上。懶起上嚟,未必次次都咁好心機逐條清走!如果你屬於呢個情況,咁就非常值得擁有呢個髮梳保護網!

1|髮梳保護網

梳頭前,先將網套在乾淨嘅梳上,然後如平常一樣梳頭就可。到髮絲積聚到一定數量,就可以成個網拔走,一下清除纏在梳上嘅斷髮。一包40個,非常耐用。

2|清潔劑泵頭轉換器

唔少清潔劑都係要攞起,先可以倒出嘅樣式,手濕或污糟時,特別覺得麻煩。想免卻呢層煩惱嘅話,可以買呢款泵頭轉換器,而且一包有兩種sizes,唔怕樽口唔適合。

2|清潔劑泵頭轉換器

3|萬能煮食匙

一支擁有4大功能:磨蓉、壓泥、混合、炒拌嘅多用途煮食匙。由2018年起便有絕大人氣,網友甚至話關注咗好耐,但好難先買到,有存貨在貨架上,簡直接近奇跡。一支有齊基本功能,連洗食具都洗少幾樣啦!

3|萬能煮食匙

4|自立式小型垃圾袋

有各種唔同可愛花紋之餘,可以打開企喺枱面上,質地不錯唔易爛,容量大。底部為網狀設計,可以放喺廚房鋅盤內使用。網友表示,在化妝、使用衣車等會產生細微垃圾嘅時候就能派上用場,非常方便。

4|自立式小型垃圾袋

5|200円4 way廚房用計時器

一個timer有齊時間、計時、溫度及鬧鐘功能,每轉一個方向就能切換功能,設計小巧,非常方便!

5|200円4 way廚房用計時器

下一頁:日本100円店超人氣賣斷市商品|網友:為咗買佢足足搵咗3日!

相關文章