【日本手信2019】旅程嘅尾聲,就係諗買咩手信好嘅時候。每次都係上機前喺機場隨意揀幾款,覺得好冇新意嘅話,不如參考下日本人嘅意見!以下5款日本手信,都係受歡迎到每日沽清嘅超人氣款式。想買嘅,就要早啲去排隊買喇!事關排隊買嘅人龍每日都長得好誇張!

撰文:C|圖片來源:相關機構、Twitter

日本手信2019

1|每日都賣斷貨!阿闍梨餅

用糯米、冰糖、雞蛋製成煙韌餅皮,再喺中間加入大量丹波產大納言紅豆顆粒餡,烤成半熟菓子。外形圓圓哋似筲箕。一啖咬落去,便能食到滿滿一口香甜紅豆餡,皮薄又軟糯。紅豆餡不會過甜,係非常值得細味的饅頭。

阿闍梨餅本舖 京菓子司 滿月

發售地點:www.ajyarimochi.com/a_toriatukai

2|「生剝鬼的禮物」芝麻米粉酥餅

「生剝鬼」係日本秋田縣男鹿地方嘅傳統民間俗事,出名得甚至可以當作秋田縣嘅代名詞。「生剝鬼的禮物」表面為製成「生剝鬼」面具嘅最中餅皮,中間則為米餅,係一種視覺效果強烈嘅菓子。使用秋田縣大潟村產米粉製作,再加入芝麻增添香氣,口感酥脆。

まちのお菓子や にこりnikori

發售地點:www.nikori-a.com/

3|東京三大紅豆大福之一  群林堂紅豆大福

柔軟又充滿彈力嘅外皮,加上分量超多嘅紅豆粒,味道不會過甜,鹽味也剛剛好,所有材料配合得天衣無縫!於早上品嘗第一輪「出爐」嘅大福味道更是會令人上癮。於大正初期開業嘅群林堂,更是日本文豪三島由紀夫、松本清張等作家嘅寵兒。

群林堂 豆大福

地址:東京都文京區音羽2-1-2(地鐵有樂町線 護國寺站5番出口徒步1分鐘〉

4|芝士糯米糍

一啖入口便散發出芝士香味,口感獨特。雖說是糯米糍,但網友則認為係口感與糯米糍相似嘅芝士蛋糕。除原味以外,仲有士多啤梨及朱古力,一共3種口味。

Sweet Orchestra

出售地點:www.warakudo.co.jp/information/category/shop-info/

5|超難買!NEWYORK PERFECT CHEESE

彎成蝴蝶形的貓舌餅(langue de chat)口感鬆脆,入口後,洋溢著牛奶忌廉嘅香甜味道,隨住白朱古力慢慢在口中溶化,車打芝士嘅風味漸漸增加,能隨住時間細味甜品於不同階段的味道變化。東京站店經常湧現排隊人龍,而且好快就沽清,想買就記得要早啲去喇!

NEWYORK PERFECT CHEESE

地址:東京都千代田区丸の内1-9-1 JR東京駅構內1/F
營業時間:8:00am-10:00pm

下一頁:日本手信2019 | 成田機場10大必買零食、甜品、期間限定口味土產推介!

下一頁:2019日本購物清單 | 大阪藥妝店14大必買面膜、化妝品、藥物!

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡