日本必買2019】明年就係東京奧運會・殘奧會舉行嘅大日子,無論係留日外國人,定係訪日外國人,都預料會有明顯增加,面對訪日外國人嘅市場亦日漸擴大。去日本旅行,除咗睇旅遊書及上網搵資料,問下身邊嘅遊日達人或留日友人,亦係一個獲取旅遊資訊情報嘅方法。咁關於日本必買手信,留日外國人又會有咩推薦呢?

撰文:C|資料來源:serai.jp|圖片來源:新傳媒資料庫、樂天市場

日本必買2019 5大最佳日本手信

YOLO JAPAN用電話訪問形式,訪問咗居住於日本嘅443名留日外國人,詢問佢哋關於日本必買手信嘅選擇,最後得出以下5個最高票數選項結果:

第5位:大福・草餅(28票)

日本必買2019
第5位:大福・草餅(28票)【日本必買2019】

受訪者認為,大福同草餅係只有日本先有嘅傳統食品,非常具有代表性。而且唔需要冷藏,容易攜帶,係一個好適合作為手信嘅選項。尤其係反映時節嘅櫻餅最為推薦。

日本必買2019
大福係日本具代表性嘅食品,而且口味種類繁多,甚具特色。【日本必買2019】

第4位:日本酒(32票)

日本必買2019
第4位:日本酒(32票)【日本必買2019】

最近喺訪日外國人之間形成咗日本酒熱潮,日本酒變得愈來愈受歡迎,而且亦係日本獨有嘅產品,特別受高齡者嘅歡迎。受訪者更表示,雖然日本酒sparkling目前認知度較低,但因為非常有特色又美味,預計以後會成為人氣手信之一!

日本必買2019
最近喺訪日外國人之間形成咗日本酒熱潮,日本酒變得愈來愈受歡迎。【日本必買2019】

第3位:抹茶(46票)

日本必買2019
第3位:抹茶(46票)【日本必買2019】

係日本嘅文化象徵之一,營養價值高又健康,兼且有散裝包裝嘅賣,容易攜帶又方便飲用,一拆開包裝便感受到濃濃嘅日本風情。

日本必買2019
散裝包裝容易攜帶又方便飲用,一拆開包裝便感受到濃濃嘅日本風情。【日本必買2019】

第2位:筷子(51票)

日本必買2019
圖片來源:樂天市場【日本必買2019】

喺歐洲地區非常受歡迎,受訪者表示,唔單止可以感受到日本文化,而且花紋及設計繁多,樣式豐富,好有日本風格。作為裝飾品又得,同時又有實用性,而且價格便宜易買。

加上有啲店舖會提供刻名服務,係一款既有特色,又能顯露心思嘅手信

日本必買2019
圖片來源:樂天市場【日本必買2019】

第1位:KitKat(70票)

日本必買2019
第1位:KitKat(70票)【日本必買2019】

受訪者於2012年初到日本,當時KitKat已經好受訪日外國人嘅歡迎,而且KitKat喺世界各地都有得賣,擁有高認知度,而且日本限定、季節限定種類豐富,例如甘酒味、日式芥末味、哈密瓜味等等,各具特色嘅口味非常受外國人歡迎。

日本必買2019
KitKat喺世界各地都有得賣,擁有高認知度,而且日本限定、季節限定種類豐富。【日本必買2019】

相關文章