去旅行都是想開心,不過早前有網民在連登討論區發帖文,以最唔鍾意的國家為題,引起唔少人討論「中伏」旅遊地點!

撰文:藍橘子|編輯:AY|資料來源:LIHKG 討論區|圖片來源:新傳媒資料室、unsplash

最伏旅遊地方 貼錢都唔會再去?

開放討論:去過最唔鍾意嘅國家!

以下為我的個人經歷:

我先拋磚引玉,我自己對於部分歐洲國家印象唔太好,雖然風景同建築物真係好靚,去參觀皇宮同博物館亦係其他國家睇唔到。不過,意大利同法國嘅服務態度相對就比較差,通街都係小偷、簽名黨、合照黨,去到鐵路站唔識買車飛,你問職員都未必會教你。被人偷咗銀包,想問巡邏緊嘅警察可以去邊度搵警察局報失,佢答我因為巡邏緊,唔可以答我問題……

我自己對於部分歐洲國家印象唔太好,意大利同法國嘅服務態度相對就比較差。
我自己對於部分歐洲國家印象唔太好,意大利同法國嘅服務態度相對就比較差。|討論區熱話最伏旅遊地方 去過一次就唔會再去!(圖片來源:新傳媒資料室)

另一方面,如果要我揀「去過一次就唔會再去」嘅地方,我諗我會揀峇里。雖然我好鍾意潛水,但嗰次去咗兩個地方浮潛,其中一個船家話,峇里其實好多珊瑚都石化晒,所以落到海底,睇嘅都係白色一片。

如果想喺酒店relax,有更多唔同國家選擇,潛水亦可以去馬來西亞鄰近嘅小島,同埋峇里嘅食物,我個人口味真係不敢恭維。

如果要我揀「去過一次就唔會再去」嘅地方,我諗我會揀峇里。
如果要我揀「去過一次就唔會再去」嘅地方,我諗我會揀峇里。|討論區熱話最伏旅遊地方 去過一次就唔會再去!(圖片來源:新傳媒資料室)

每個人意見都可能唔同,點解要攻擊對方呢?

睇到呢度,我相信大家已經咬牙切齒,亦一定有唔少反對嘅聲音。「我覺得歐洲好正!」「只係你唔識玩啫!」「我好鍾意峇里囉!」

討論「最唔喜歡」嘅國家/城市,一定會引起反對聲音,因為大家都唔樂於接受自己喜歡嘅事物被批評。但如果今次係討論「最喜歡」旅遊國家/城市,只會各自發表意見,因為每個人都有自己鍾意嘅嘢,有辣有唔辣,任君選擇。

討論「最唔喜歡」嘅國家/城市,一定會引起反對聲音。
討論「最唔喜歡」嘅國家/城市,一定會引起反對聲音。(圖片來源:LIHKG 討論區)

批評/踩低其他人係一件好簡單嘅事,但對方一定會因為接受唔到而反擊,結果變成雙方罵戰。
批評/踩低其他人係一件好簡單嘅事,但對方一定會因為接受唔到而反擊,結果變成雙方罵戰。|討論區熱話最伏旅遊地方 去過一次就唔會再去!(圖片來源:LIHKG 討論區)

對待身邊嘅事物多啲認同,少啲批評!

其實,待人處事亦都一樣!批評/踩低其他人係一件好簡單嘅事,但對方一定會因為接受唔到而反擊,結果變成雙方罵戰。如果將批評變成讚美,例如上網見到香港運動員喺外國奪佳績,讚一讚佢。就算輸咗,起碼有努力過,都給予讚賞。

對待身邊嘅人或事物,多啲認同,少啲批評,相信呢個世界會更美好,香港人嘅快樂指數亦一定會上升番(少少)。

唔識欣賞唔代表冇可取之處,不如試下將批評變成讚美!
唔識欣賞唔代表冇可取之處,不如試下將批評變成讚美!|討論區熱話最伏旅遊地方 去過一次就唔會再去!(圖片來源:LIHKG 討論區)