空少:每一次用員工機票都係一場賭博!

空少:每一次用員工機票都係一場賭博!

我成日都覺得,每一次用員工機票都係一場賭博,因為未到最後一刻,都唔會知道自己到底上唔上到飛機。

員工機票唔係任攞 機位冇保證!

員工機票嘅性質,大概係當所有普通乘客辦理咗check-in手續之後,如果有空位,就會畀員工check-in,而員工機票就會用年資深淺、員工本人定係家屬等等,來決定上機嘅先後次序,所以正常嚟講,你嘅年資愈深做得愈耐,你成功上到機嘅機會就愈高。

員工機票
員工機票價錢雖然吸引,但始終不及一般機票,可以肯定有機位。

起飛前先攞到登機證

最近就帶咗爸爸媽媽去日本睇櫻花,一心打算去大阪,但係點知全日去大阪嘅航班都全滿,而員工機票輪候嘅同事大部分都係比我資深,基本上係肯定冇可能去到!

地勤同事表示:「如果你哋真係想去到大阪的話,我建議你哋去東京先,然後再轉內陸機去大阪,呢個係唯一一個有希望上到機嘅機會。」

相關文章