經常飛長途機的空姐空少,雖然在外站來去匆匆,不過公司規定使用的行李喼都有限制和相對小巧,對於攜帶出trip的物品也要特別講究,以免人在外地,沒有足夠日用品應急。今次記者跟空姐搭長途機的同時,也開喼一窺空姐的隨身物,為大家大公開一下!

撰文 & 圖片:A君

空姐飛長途 隨身法寶大公開

入行4年的國泰空中服務員Queenie,今次歐遊上機之前,記者在機場捉住佢開喼,睇下空姐會帶啲乜嘢出門,畀啲貼士給飛長途嘅大家!

國泰空中服務員Queenie。

超耐用軟身喼 國泰空姐指定用Delsey

開喼前,先睇Queenie用乜牌子嘅喼先!原來國泰同港龍都規定空姐空少要用Delsey的行李喼,清一色是黑色兩輪的拉鏈喼。除咗公司規定之外,唔少空姐空少都讚呢款拉鏈喼好耐用,而且間隔多,又可以擴大容量,飛長短途都合用。

國泰和港龍的空姐空少都規定使用的Delsey喼款。

Hand carry手提袋 內有乾坤

手提袋都是公司提供,與行李喼一樣,是冇花巧的黑色。

長途旅行必備隨身物大公開

通常空姐空少出差,都會帶一個喼跟一個手提袋,喼會寄艙,手提袋則會跟身,除了放置衣服作替換之外,Queenie還會將暖水壺、化妝品和少量藥物跟身,有時還會帶些輕便食物,以免胃口唔好唔想食飛機餐時,都有後備。

01 | 暖水壺

Queenie說:「飛long-haul通常要逗留在外站幾日,我一定會帶暖水壺,因為喺歐美搵熱水比較麻煩,在酒店盛滿一瓶,無論留在房間抑或出外,都可以飲暖水。」

02 | 保濕masks

「除了化妝品,我會在韓國買入大量保濕masks出trip,off duty後回酒店用。」

飛行時空氣乾燥,在外站酒店最緊要保濕,Queenie會帶備在韓國入手的面膜使用。

03 | 化妝袋

這個小包包是Queenie出差必備的補妝物品,透明袋放滿試用裝size的化妝品和護膚品。

04 | 即沖麥皮

「另外,藥物一定會帶足,尤其是防肚痛的藥,因為在外面萬一水土不服影響工作就麻煩,所以我也會帶備即沖麥皮,唔想出外吃飯都可以充肌。」

有時唔想食飛機餐,可以沖即食粥或麥皮充飢。

相關文章