點解父母去旅行會性情大變?仲難服侍過皇帝

點解父母去旅行會性情大變?仲難服侍過皇帝

相比起我哋呢一輩,好多人每年至少去一次旅行,有人慢慢咁實現環遊世界嘅願望,有人當作去日本韓國係返鄉下咁,吃喝玩樂輕鬆番幾日。但我哋嘅父母就冇咁好彩,年輕時冇咁多機會去旅行,科技未咁發達,去旅行唔係咁容易,經濟上亦未必負擔得起。所以,好多子女都會帶父母去旅行,想一家人留番個美好回憶。不過,帶父母去旅行,往往都只會留下不愉快嘅經歷。

父母去旅行性情大變 超難服侍!

唔知點解,父母去到另一個國家,就會性情大變,變到成個港童咁,難服侍嘅程度直線上升,要滿足佢哋仲慘過服侍皇帝。

以下係綜合朋友,令人哭笑不得嘅父母旅遊經歷:

不少父母見到年輕人自由行周圍去,都會想跟著一起去!(圖片來源:《4個小生去旅行》劇照)

01 | 食物唔啱口味

去旅行其中一大樂趣就係嘗試當地美食,雖然有啲未必啱自己口味,但去到外國旅行,唔通仲餐餐食中菜咩?!

食貴嘢前同爸媽講定一聲,唔係就會不停嫌貴。

但父母就唔係咁諗,行街行到肚餓就會扭計,難得去到旅行,想食間網上介紹嘅餐廳,行太遠再扭計,要等位再扭!結果原來唔啱口味,就會講一句:「行咁遠就係帶我嚟食呢啲嘢?」

見到呢條長龍,應該即刻擰晒頭。

相關文章