年輕人有錢有時間想去旅行就去旅行,但旅行在父母的年代就相對困難,旅遊資訊、旅遊文化的傳播比較落後,加上科技未發達,所以去旅行的經濟負擔比較大,於是子女有機會就會帶同父母去旅行,好好孝敬父母,同時留下一個深刻的回憶。然而就只有不愉快的經歷。

網民分享與父母外遊的不愉快經歷:性情大變、超難服侍

唔知點解,父母去到另一個國家,就會性情大變,變到成個港童咁,難服侍嘅程度直線上升,要滿足佢哋仲慘過服侍皇帝。

以下係綜合朋友,令人哭笑不得嘅父母旅遊經歷:

父母去旅行 不少父母見到年輕人自由行周圍去,都會想跟著一起去!
不少父母見到年輕人自由行周圍去,都會想跟著一起去!(圖片來源:《4個小生去旅行》劇照)

1.食物唔啱口味

去旅行其中一大樂趣就係嘗試當地美食,雖然有啲未必啱自己口味,但去到外國旅行,唔通仲餐餐食中菜咩?

父母去旅行 食貴嘢前同爸媽講定一聲,唔係就會不停嫌貴。
食貴嘢前同爸媽講定一聲,唔係就會不停嫌貴。(圖片來源:新傳媒圖片)

但父母就唔係咁諗,行街行到肚餓就會扭計,難得去到旅行,想食間網上介紹嘅餐廳,行太遠再扭計,要等位再扭!結果原來唔啱口味,就會講一句:「行咁遠就係帶我嚟食呢啲嘢?」; 再唔係帶佢食咩都話貴問:「點解唔自己煮?」、「刺身又話生冷嘢,拉麵又話喺屋企煮公仔麵仲好,煎炸又話熱氣,好難服侍」

父母去旅行 見到呢條長龍,應該即刻擰晒頭。
見到呢條長龍,應該即刻擰晒頭。(圖片來源:新傳媒圖片)

見父母去到日本咩都唔啱食就揀咗類似嘅大排檔地方:「喺樓下買海鮮,再帶上去揀廚房代工。叫咗一隻龍蝦煲湯、刺身,炒個個部位都用齊。但係我記得好肉赤,食咗好多未見過嘅樣衰海鮮」。

2. 父母影相80%都係大頭相

去旅行當然要打卡影相啦,而子女幫擅長用手機影相,所以幫父母影相無難度,不過有網民就指:「佢幫我影就全張相有80%係我個頭同身,得返20%係景,左上角仲要影到佢隻手指」、「我媽幫我哥影相都係咁,激到阿哥生蝦咁跳,有景有全身嘅唔係失焦就係Hea影,歪歪斜斜,仲真係見過有手指出現起相到」等。

3.個天入黑就眼瞓

去旅行最重要就係識得利用晒全日嘅時間去玩,呢個亦係plan行程嘅重點。

但父母一樣唔會領情,個天開始黑,佢哋已經嚷著想瞓覺。最好即刻有架的士送佢哋返酒店瞓覺。當年輕人計算點樣玩盡成個旅程,父母只會關心佢哋嘅睡眠質素。

父母去旅行 男神彭于晏曾帶著70歲的媽媽去西班牙。
男神彭于晏曾帶著70歲的媽媽去西班牙。(圖片來源:IG @ yuyanpeng)

4.香港都有啦 使乜去旅行

相信好多人都會覺得,去旅行嘅原因只係想暫時離開壓力大到爆炸嘅香港,身處一個陌生嘅國家,hea足幾日都開心。

但父母個心態係,佢哋覺得留喺香港係最好,要搭飛機去另一個國家已經要扣分,仲要做啲香港一樣做到嘅嘢,咁點解要大費周章離開香港?

父母去旅行 台灣藝人林依晨與父母同遊日本京都。
台灣藝人林依晨與父母同遊日本京都。(圖片來源:林依晨微博)

5. 出去玩咩都計住哂

唔少父母知道子女賺錢辛苦,所以旅行時都會幫手錫住佢哋個「荷包」,減輕佢哋負擔。不過子女就會覺得去旅行就要好好享受,成日計住哂反而玩得唔盡興、好大壓力。

網民:跟團就唔會出事

網民都話同父母去旅行一律要跟團:「跟團食咩唔使煩,去邊都有旅遊巴」、「同佢哋去大陸反而仲開心,因為啲嘢全部佢哋食開買開」等。

對於好多父母,家庭就係佢哋嘅世界

以上所講嘅唔代表100%父母都係咁,有啲父母比起子女更喜歡去旅行,每個月攞住個仔畀嘅家用自己規劃旅行,而子女每個月就做到嘔血。

另一方面,點解父母嘅思想總係咁奇怪,覺得萬事只有屋企好?好多人去旅行係想探討呢個世界,但對於好多父母嚟講,家庭就係佢哋嘅世界。

父母去旅行 好多人去旅行係想探討呢個世界,但對於好多父母嚟講,家庭就係佢哋嘅世界。
好多人去旅行係想探討呢個世界,但對於好多父母嚟講,家庭就係佢哋嘅世界。 (圖片來源:《愛。回家之開心速遞 》劇照)

圖片來源:《4個小生去旅行》劇照、新傳媒資料室、IG、WEIBO、《愛。回家之開心速遞 》劇照