【東京迪士尼樂園】就算唔係迪士尼嘅fans,嚟到東京都總會去東京迪士尼樂園/東京迪士尼海洋玩。不過主題樂園唔止吸引國外遊客,亦深受日本人嘅歡迎,每個遊戲都大排長龍!高人氣嘅遊戲設施甚至要排起碼2個鐘!所以除咗排玩遊戲,連攞快證都大排長龍!有見及此,東京迪士尼方面便計劃推出手機攞快證,慳番大家排快證機嘅時間。

撰文:C|圖片:東京ディズニーリゾートPR【公式】

東京迪士尼樂園 快證服務

東京迪士尼現時提供快證嘅遊戲,有「Space Mountain」、「Toy Story Mania」等,等候時間長嘅,一共18個機動遊戲。各機動遊戲前,會有快證發票機,領取後,只需按證上嘅顯示時間返回相應遊戲所在地,就可以幾乎唔使等咁直入玩遊戲。雖然係免費領取,但排隊領快證嘅人龍都絕對唔短。

圖片來源:東京ディズニーリゾートPR【公式】
圖片來源:東京ディズニーリゾートPR【公式】

圖片來源:Tokyo Disney Sea Official Site
圖片來源:Tokyo Disney Sea Official Site

夏天開始推行手機領快證

由今個夏天起,只要位處園內,都可以直接用手機領取機動遊戲嘅快證,唔需要再親身去快證發票機攞。而取得一次快證後,需要等待一定時間後,才可再領取另一張快證等規則不變。考慮到唔帶智能手機入園嘅客人,快證發票機將會繼續提供服務。

圖片來源:Tokyo Disneyland Official Site
圖片來源:Tokyo Disneyland Official Site

東京迪士尼海洋預計會喺7月23日開幕嘅新機動遊戲「Soarin’」啟用前,開展手機領快證服務。

新機動遊戲「Soarin'」印象圖。(圖片來源:東京ディズニーリゾートPR【公式】
新機動遊戲「Soarin’」印象圖。(圖片來源:東京ディズニーリゾートPR【公式】

相關文章