【日本FamilyMart必買】日本大型連鎖便利店三大巨頭:7-11、LAWSON、FamilyMart經常推出令人驚喜不已嘅零食產品,之前7-11就有好食到連知名YouTuber都拍片介紹嘅炸薯角,今次就有FamilyMart限定發售嘅卡樂B新產品「叮叮薯片」!點解叫「叮叮薯片」?因為佢嘅賣點係用微波爐「叮」完先食!

撰文:C|圖片:Calbee公式Twitter

日本FamilyMart必買 新「叮叮薯片」

卡樂B新產品「レンジdeポテリッチ 濃厚バター醤油(しょうゆ)味」(濃厚牛油醬油味)(連稅152円/約HK$11)及「レンジdeピザポテト」(薄餅味)(連稅173円/約HK$12)將於日本全國FamilyMart限定及限量發售!濃厚牛油醬油味於2月19日起,薄餅味則於3月12日起發售。

左起:濃厚牛油醬油味(連稅152円/約HK)、薄餅味(連稅173円/約HK)
左起:濃厚牛油醬油味(連稅152円/約HK$11)、薄餅味(連稅173円/約HK$12)

卡樂B為咗擴大顧客層,於2016年秋季開始著手研究可以「取代正餐」嘅新產品。花費約2年半時間,進行咗超過50次實驗嘗試,終於研製出可用微波爐「叮」嘅新包裝。

新產品可以原個包裝直接放入微波爐「叮」,唔使另外搵碟裝!
新產品可以原個包裝直接放入微波爐「叮」,唔使另外搵碟裝!

兩款薯片嘅「叮」法一樣,喺包裝袋邊緣上剪開約2cm切口,放入微波爐用500W或600W「叮」約40秒,將薯片溫熱。

按包裝上指示剪開切口後,就可以「叮」熱喇!
按包裝上指示剪開切口後,就可以「叮」熱喇!

打開包裝後,濃厚牛油醬油味薯片會散發出濃郁嘅牛油香,而薄餅味薯片,因比一般產品增加咗25%分量嘅芝士,「叮」完後,芝士變成半溶狀態,非常邪惡!

放入微波爐用500W或600W「叮」約40秒,將薯片溫熱。
放入微波爐用500W或600W「叮」約40秒,將薯片溫熱。

據日本Twitter網民所講,昨日開始發售嘅濃厚牛油醬油味薯片超受歡迎,貨架上嘅商品數量減少得極快!網友試食後亦指,一「叮」完,暖烘烘嘅時候好好食,但凍咗之後就同一般薯片冇分別,建議買到嘅大家趁熱食,唔好掛住影相啊!

日本FamilyMart必買限定!卡樂B新品「叮叮薯片」|濃厚牛油香、超邪惡半溶芝士

相關文章