中大近排都真係多災多難,早排先有新聞話大批大媽團竟然組織入人哋校園打卡,最近天氣回暖,中大嘅櫻花早幾日已悄悄開咗,結果便引來蜂擁的外來非學生龍友、妹子同大媽來影相和打卡,學生又群起鬧爆。

撰文:杜遊珍

中大種櫻花多災多難

中大種櫻花,源於十多年前中大日本研究學系獲贈來自日本姊妹大學的櫻花樹苗?,選址種植在新亞書院山頂知行男宿舍門前,諗起其實都幾大反差!最初共種了10棵櫻花,可惜被強風、颱風吹剩7棵健在,但相信中大唔多旺呢幾棵河津櫻,舊年10月因為太熱,忽然提早開櫻花,已被龍友大舉入侵一次;最近2月初櫻又有人在行山打龍討論區報料,話中大櫻花又提早綻開,結果人日都未過,又開始聚集腳架和長炮。

中大新亞櫻花(圖片來源:中大傳動 CUHK eMotion facebook專頁)

中大新亞櫻花(圖片來源:中大傳動 CUHK eMotion facebook專頁)

大陸賞櫻團進駐新亞

前主播、中大教授區家麟呢兩日都有報告新亞櫻花開花情況,仲暗串「中大櫻花開,龍友齊齊來。#有一大棵咁多」、「龍友數目已增至一打」。

區家麟 分別在 Ig 及 fb 「直擊」中大新亞書院櫻花狀況,網友旋即回應:「怪不得大陸有團來……」

行山討論區 已引起龍友關注

櫻花才剛開,已有人在行山吹水群組放料,引起唔少愛郊遊同打龍嘅人注意,隨時觸發第一波賞花人潮!校園雖然係公眾地方,中大校巴也不能唔准非師生乘搭,但香港人一窩蜂做一件事,就必定有人要犧牲,今次又係中大喇!

花相一出,已有回響。

明顯呢啲都係校外人。

有人警告大家,最近有遊客成群入侵中大,為免影響到學生,不宜聯群入中大打龍。

學生鬧爆 咪踩冧人哋校園

其實阿珍當年聽到中大種櫻花已心知不妙,自從新亞起咗一個「天人合一亭」之後,不時都吸引好多校外人山長水遠上新亞山頂打卡,係,我都覺得水池呢個位係好靚嘅,但其實已今非昔比,山下成個科學園同咩富海灣,早就天地不合,老遠仲有一座觀音像,仲引晒啲大陸大媽團入嚟,雖然未至於9:00am-6:00pm都人頭湧湧,但宿舍就喺隔籬,畀我都會嬲!

有傳媒去年報道中大開櫻花,被指間接令校園被踩冧,勁多嬲嬲!

放過學生 其實香港仲有好多處賞櫻

其實香港有唔少賞櫻花熱點,又何必要千里迢迢去中大呢個山卡啦景點呢?將軍澳單車館公園、嘉道理農場、大埔海濱公園都有櫻花,不如大家分散啲,打卡時冇咁迫,賞花無非都係想開心啫,係咪先?

盤點10大香港賞花地點 | 嘉道理農場、將軍澳單車館

嘉道理農場【櫻花品種:鐘花櫻桃 | 預測花期:1 月中下旬至 2月上旬】

相關文章