【日本7-11必食】日本便利店時不時就會推出新商品,而且絕大部分都會喺社交網絡上造成話題,討論度極高!而且日本呢排又開始凍番,唔少冬季新商品隨即變成熱賣搶手貨!快啲睇下仲有冇朋友喺日本,託佢哋帶啲返嚟啦!

撰文:C|圖片:Twitter、セブン-イレブン

日本7-11必食商品

1|朱古力忌廉泡芙

柔軟彈牙嘅朱古力泡芙中,包裹住香味濃郁嘅朱古力忌廉。網民形容,明明望落係一個好simple嘅忌廉泡芙,卻有著層次豐富嘅味道,恰到好處嘅朱古力甜味,伴隨住淡淡嘅黑朱古力苦味。

圖片來源:[email protected]_11igusa2

2|牛奶小泡芙

日本7-11原創零食商品「牛奶小泡芙」只係108円(約HK$8)就買到!1袋60g,以白朱古力類作為餡料,製成牛奶風小泡芙。口感輕柔,餡料分量充足,牛奶香溢滿口腔。

圖片來源:セブン-イレブン

3|冬甩蛋糕

同與冬甩有關連嘅日本電影《七個會議》合作嘅商品,非常適合作為飯後甜品。只係打開包裝,就能聞到淡淡嘅士多啤梨香味,表面淋上咗朱古力醬coating,係一款好simple嘅冬甩。但特別在於完全冇冬甩嘅油膩感,而且唔會黏到嘴邊,又或朱古力溶到一手都係。口感輕巧鬆軟,類似於雪芳蛋糕,但更加濕潤。

圖片來源:[email protected]

圖片來源:セブン-イレブンomni7官網

4|宇治抹茶朱古力和式芭菲

喺加入咗黑糖寒天嘅抹茶慕絲上,以抹茶忌廉、白玉、朱古力忌廉、朱古力松露作為topping,製成充滿和式風味嘅芭菲。網友話平時呢啲和式甜品,有抹茶嘅話,一定會有紅豆,呢款就係超少見嘅冇紅豆抹茶甜品!推薦怕加咗紅豆會太甜而避免食抹茶甜品嘅人。

圖片來源:セブン-イレブン

5|「HIKAKIN POTATO」炸薯角

由日本超人氣YouTuber・HIKAKIN大力推薦,隨後爆紅成為超難買斷市商品!網絡上更加炒賣到原價嘅3~4倍高額。HIKAKIN上傳嘅介紹影片播放數接近300萬,並因而令呢款零食有著「HIKAKIN POTATO」嘅別名。不過呢款零食係地區限定商品,只有東京、神奈川、千葉等地先至買得到!

圖片來源:「セブンプレミアム向上委員会」公式サイト

原價連稅只售127円(約HK$9)嘅炸薯角,喺日本拍賣網被炒至500円(約HK$37)一包!

相關文章