【札幌雪祭2019】一年一度嘅札幌雪祭即將開始喇!除咗最令人期待嘅大型冰雕之外,仲有得玩、有得食!活動之一嘅國際雪像大賽更有來自世界9個地方嘅隊伍參加,可以睇到富有各地特色嘅雪像!冰凍天氣又點少得食熱辣辣嘅美食呢!有成條大路畀你慢慢食!

撰文:卡|圖片:札幌観光協会(過往活動相關圖片)

札幌雪祭2019

1950年首屆開辦以來,就是以巨大雪像為賣點,發展至近年都是超過二百個雪像。每年2月就約有250座大小不同的冰雕及雪像,偏布大通公園、薄野及TSUDOME社區體育館三個會場。

大通公園會場

最注目就是橫跨札幌中央區共有12丁目的大通公園,有過百個雪像,不但足足動員過千人,連自衛隊也會出動協助。每年又會以世界著名的建築物又或人氣動漫作主題,成為了推廣觀光地/戲劇的宣傳手法之一!

每年均會有世界著名的建築物或人氣動漫作主題的巨型雪像!

1|大通公園會場

橫跨札幌都心東西兩端,長達約1.5km嘅大通公園將會上演冰雪協奏曲!只用雪同冰雕製出嘅精致藝術品,係「札幌雪祭」最具魅力嘅一環。

大通公園會場

會場除咗有巨型大雪像之外,仲有市民製作嘅雪像,以及嚟自世界各地隊伍所製嘅雪像。

唔少日本企業都會參加呢項當地盛事。

大通公園會場更有北海道美食大街!

會場:大通公園 西1丁目~西12丁目

舉行日期:2019年2月4日~2月11日

時間:任何時間均可觀賞(點燈至10:00pm為止)

2|TSUDOME社區體育館

雪祭嘅第二會場,可以喺冰雪滑梯上玩橡皮艇雪橇!無論係小朋友定係成人,都可以接觸到北海道嘅天然白雪。

坐住橡皮艇喺冰雪滑梯滑落嚟,睇見就覺得好玩!
雪祭第二會場TSUDOME社區體育館

體育館會場嘅室內地方,有寬闊的休息地方及飲食區域,而且有好多可以安心畀小朋友玩嘅遊樂設施。但呢個會場不設私家車泊車位置,要前往嘅話,就須乘坐公共交通工具或接駁巴士。

有嘢玩之餘,亦有唔少雪像可以睇。

更可品嘗到熱辣辣嘅北海道特色美食。

會場:札幌市東区栄町885番地1  コミュニティドーム(愛称:つどーむ)

舉行日期:2019年1月31日~2月11日

時間:9:00am-5:00pm

3|薄野會場

以「享受冰雕藝街」為主題,排列了多個夢幻冰雕。此外,更有可供觸摸的冰雕、可坐到雕像上等的互動廣場、打卡一流的燈飾大街,還有溫熱的飲品提供。而且還有機會與「冰之女王」合照!

街上排列了多個夢幻冰雕,讓參加者慢慢欣賞。

打卡位都唔少啊!

「步行者天國」

2月4日~8日/3:00pm-11:00pm

2月9日、10日/10:00am-11:00pm

2月11日/10:00am-10:00pm

以上時間帶將會封鎖車行道,變身為「步行者天國」,因此,可以近距離欣賞冰雕。上述時間以外的時段,則須由行人路上觀賞。

會場:南4条通りから南7条通りまでの西4丁目線(駅前通り)市道

舉行日期:2019年2月4日~2月11日

時間:任何時間均可觀賞(點燈至11:00pm為止,最終日至10:00pm為止)

相關文章