【日本便利店】日本便利店嘅商品一向應有盡有,生活起居都搞得掂。但大家又有冇試過,行埋雜誌架望下有咩時裝雜誌、偶像雜誌時,會一個唔小心望到啲好令人尷尬嘅「成人雜誌」?⋯⋯繼2017年MINI STOP全線停售成人雜誌後,日本7-11及LAWSON都宣布即將停止引入成人雜誌。

撰文:C |圖片:Yahoo!News JP、Twitter

3大連鎖日本便利店 停售成人雜誌

日本便利店業界巨頭7-11、LAWSON及FamilyMart宣布,全線店舖將於8月尾停售成人雜誌。

3大連鎖日本便利店宣布今年8月尾起停售成人雜誌。

據官方所講,呢個決定係為咗令女性及高齡人士等,年齡層廣泛嘅顧客群能更舒適地使用便利店服務。除此之外,因近年訪日外國使用者有顯著增加,以及考慮到2019年於日本舉行嘅世界盃欖球賽、2020年東京奧運、2025年大阪萬博等國際盛事,預計訪日人數會更多,便決定停售成人雜誌。

網友觀點

超級贊成!!!猥䙝品本來就唔應該放喺便利店賣!!!

日本Twitter有網友超級贊成便利店嘅決定!

並請其他便利店都仿效呢個做法。因為要行入廁所時,好難為情~(成人雜誌架多設於廁所對出位置。)

莫講話直行入廁所,要等用廁所時,更加尷尬⋯⋯

住進清淨白河中嘅魚,才會發現懷念舊時混濁嘅泥田。

人類總是⋯⋯

其實只係撤走賣唔去嘅商品,唔好搞到好似為人設想咁。

亦有網友覺得只係清走賣唔出嘅商品,唔使講到咁好聽。

同以前一樣冇變過,門面工夫做得好足呢,日本人。

有網友覺得日本人其實只係注重門面工夫。

因為仲有人係靠做成人雜誌開飯,乜真係有必要為配合外國人而做到呢個地步咩?咁嘅話,唔該首先增加Wi-Fi點啦!

有網友認為日本社會過於配合外國遊客。

相關文章