【北海道暴風雪】由上星期四開始,北海道便陸續出現強烈暴風雪導致嘅「白盲」現象。有札幌當地居民因私家車撞入雪山,無法走動,便落車徒步行返屋企,後因低體溫症於歸途上凍死。下星期係札幌雪祭開幕嘅日子,相信唔少旅客都準備前往觀賞,出發前記得先睇睇,喺大風雪嘅地方有咩注意事項!

撰文:卡|圖片:Twitter、電視截圖

北海道暴風雪

上星期四起,北海道天氣明顯轉差,不停有暴風雪吹襲,並形成「白盲」現象。截至今日(21日)為止,暴風雪現象依然持續。由於北海道周邊上空有伴隨強烈寒流嘅低氣壓掠過,道內以西南部為中心,會局部性降下大雪。

北日本地區到23、24號都會持續落大雪!

早前大地震震央嘅安平町,於本日早上8時錄得3小時32cm降雪紀錄!石狩地方亦預計到明日中午,會有近40cm積雪。

安平町於本日早上8時~11時錄得3小時32cm降雪紀錄!

石狩地方亦預計到明日中午,會有近40cm積雪。

因大雪嘅影響,超過30班航班取消,及58班JR/新幹線停駛。滯留北海道嘅朋友,記得要小心!

唔止飛機航班取消,多條鐵路亦會停止行駛!

「白盲」現象

「白盲」現象指被雪或雲所包圍,視野變得一片白茫茫的現象。尤其是於雪山中遭遇強烈暴風雪而形成「白盲」現象時,會連雙腳都變成一片白色,身體幾乎無法動彈。雖然多數作為雪山登山遭遇嘅其中一種意外而被忽略,但其實喺滑雪場、降雪量大嘅都市街道上,都好有可能發生!

「白盲」現象唔係登雪山先有機會出現,喺大雪嘅地區隨時都有可能遇到!

成因

造成「白盲」現象嘅原因大致分為3種:

1)因暴風雪或強風吹起厚積雪而導致白雪於空中飛舞,遮擋視線。

2)因降雪量大而遮擋視線,繼而引起此現象。

3)因被濃霧包圍而引起此現象。

雪山登山時最容易遇到的為第1、2兩種情況,而且危險度特別高。

「白盲」狀態下的6種危險要素

1|失去方向感

平時並冇特別意識到,但其實自己正面向嘅方位係以周圍嘅景色為基準判別嘅。當四周圍都變成一片白色,便會失去判別自己同其他物件嘅位置關係,唔知自己正面向邊個方向。

白雪之中容易失去方向感!

呢種情況下,就需要使用指南針確認身處嘅方位。不過就算認清咗方位,都未能知悉與目的地嘅距離。如果身處雪山,即使唔係「白盲」狀態中,都應時常把握好自己嘅位置,並觀察周圍有咩物品/建築物。

到大雪嘅地區時,記得配備好指南針,以防萬一。

2|上下感覺混亂


失去方向感呢項唔多唔少都預想到,但實際上其實會連上、下感覺都變得遲鈍。例如於地圖路線上睇,自己嘅位置應該係上緊斜坡,但自己好難判別其實係上緊斜坡、落緊斜坡,定係行緊平路。

風雪中其實會連上、下感覺都變得遲鈍。

無法判別自己係上緊斜、落緊斜嘅話,較難正確把握自己於地圖上嘅實際位置。呢個時候可暫停一下,確認自己係比前面嘅人處於較高,定係較低位置嚟確認目前路線,以及觀察雪面向邊個方向傾斜。

應同同行者確認地面高度及觀察雪面往邊一面傾斜。

3|難以判斷距離感

同失去方向感一樣,「白盲」狀態之中,周圍嘅景色其實只能模糊地睇到少少。由於無法從四周景色中將自己嘅位置劃分開,因此,有機會同前面嘅人拉開咗距離,即使有記號,亦看似係飄浮於雪白空間中嘅物件,無法正確把握好距離感。

「白盲」狀態之中,周圍嘅景色其實只能模糊地睇到少少。

回過神來,先發現自己已身處崖邊並唔係誇大說辭,因此,須小心注意!

由於無法把握好距離感,隨時行咗去懸崖邊都唔知!

4|無法直線行走

即使弄清方向,一旦傾側少許,便有機會同目的拉開更遠距離,令路線變得唔同。

「白盲」狀態之中,小小的失誤都會有好大影響!

視野良好嘅話,可從直行方向中所見到嘅景色或物品嚟判斷自己是否正筆直向前,如有攜帶GPS嘅話,仍能夠判別行走方向;冇嘅情況下,則可將紅布綁到長棍上,製作認路嘅旗仔,並將旗仔以等距插到雪上,確保前進方向正確。

可將紅布綁到長棍上,製作認路嘅旗仔,並將旗仔以等距插到雪上,確保前進方向正確。

5|見唔到同行者

遇上嚴重「白盲」現象時,甚至無法看清自己1米前方嘅景物。

「白盲」狀態嚴重時,連前方嘅隊友都可能見唔到!

呢個情況下,好有機會令你無法見到同行嘅夥伴/友人。因此,須經常確保自己與同行者們保持一定距離,小心唔好走散。

須經常確保自己與同行者們保持一定距離,小心唔好走散。

6|腳印好快消失

雪山登山有別於夏季登山般按登山道行走,自己嘅腳印痕跡同時會成為後方同行者嘅行走路線指標,亦係回程路線嘅幫手。

自己嘅腳印痕跡同時會成為後方同行者嘅行走路線指標,亦係回程路線嘅幫手。

但「白盲」狀態之中,有大量雪花激烈飄盪,只需數分鐘,便會令腳印逐漸消失。

「白盲」狀態之中,只需數分鐘,便會令腳印逐漸消失。

對付「白盲」的參考方法

1|時常把握自己身處的地方

出現「白盲」現象嘅,多數係廣闊嘅雪原而非樹林。由於周圍變得雪白一片,唔思量好對策,好容易就會於風雪中動彈不得,最後只有「等死」。

由於周圍變得雪白一片,唔思量好對策,好容易就會於風雪中動彈不得,最後只有「等死」!

因此於雪山中,應時刻把握好周圍景物位置,以及於地圖上確認自己嘅位置。往邊個方向、點樣行會有避難小屋或躲避風雪嘅地方,一旦唔好彩遇到視野不良嘅情況時,便能冷靜地應付目前狀況。

於雪山中應時刻把握好周圍景物位置,以及於地圖上確認自己嘅位置。

如果周圍實在係咩都冇,無法確認方向時,考慮到雪檐及山崖等危險地,唔勉強行動並等候視野回復,都係其中一種有效做法。不過因為風雪強烈,體溫會慢慢下降,應打開帳幕等可擋風嘅工具。

2|保持冷靜

視野突然變成一片煞白,任誰都會覺得不安。但當下應保持冷靜,唔好勉強前行,而應重新確認自己正身處嘅位置。

遭遇「白盲」時,當下應保持冷靜,唔好勉強前行。

若因焦急而勉強前進,會令目前所把握到嘅位置變得混亂模糊。腳印亦隨即消失,令遭難嘅可能性隨之提高,首先應冷靜下來,思考對策再行動。

若因焦急而勉強前進,會令目前所把握到嘅位置變得混亂模糊,令遭難嘅可能性隨之提高,首先應冷靜下來,思考對策再行動。

3|攜帶GPS

即使有地圖及指南針,都好難時刻把握好自己現正身處嘅位置。登雪山嘅話,應帶上便攜式GPS,以便把握好自己身處嘅地方。

登雪山嘅話,應帶上便攜式GPS,以便把握好自己身處嘅地方。

雖然現時有唔少智能手機apps提供定位功能,但於風雪及嚴寒之中,好容易會令智能手機因低溫而開唔著,又或難以操作。因此,須注意使用效能。

於風雪及嚴寒之中,好容易會令智能手機因低溫而開唔著,又或難以操作。因此,須注意使用效能。

4|如受困於車內……

北海道當別消防局指,於都市市內發生並困於車輛中時,應打開手機內嘅GPS功能,同時為咗防止一氧化碳中毒,應記得換氣及於車內等候救援。

即使受困車內,都要盡力做好保暖,等待救援呀!

如於駕駛中時遇上「白盲」,則應以前方車輛嘅車尾燈及標示道路界限/方向嘅指示牌作為記號,唔好停車,而係保持慢駛車速繼續前進。

如於駕駛中時遇上「白盲」,則應以前方車輛嘅車尾燈及標示道路界限/方向嘅指示牌作為記號,唔好停車,保持慢駛車速繼續前進。

一旦要落車步行時,最好等到暴風雪停止先行動。即使只有一瞬間,都會有視野突然清晰嘅一刻,喺呢段時間中,應立即把握好自己身處嘅位置,並搜尋唔會吹到風嘅地方躲避。

延伸閱讀:北海道滑雪套票2019|冬天必去景點推介:天空步道、冰書咖啡廳、滑雪班放題⋯⋯

相關文章