【日本御守知識】好多旅行者到日本旅遊時,都會到寺院或神社參拜,然後買番幾個御守當做護身符,或送畀親朋好友當做手信。日本人對神明相當敬重,而御守之中亦有「小神明」寄宿,即使係外地人,都有一定嘅禮儀及做法需要遵守㗎!
撰文:C |圖片:各大日本神社

日本御守知識

1|不能買複數御守?

大家有冇聽過一個說法,話將喺唔同神社買入嘅御守放埋一齊,神明會互相嫉妒或嗌交,所以要避免將唔同御守放埋一齊?
唔清楚神明們生前關係如何嘅話,咁就要避免將唔同御守擺埋一齊喇!
其實唔需要擔心神明們會嗌交,因為道行高嘅神明們唔會因為咁而扼殺彼此嘅靈力。不過要注意嘅係,神明都會有配合度嘅問題,應要避免將關係唔好嘅兩名神明嘅御守放埋一齊。

2|態度:御守內有神明寄宿

「御守」其實亦即細小嘅神明,所以佩戴時,應保持敬重嘅態度。覺得只係攞住就會「轉運喇」、「心想事成」嘅思考方式係對神明不禮貌,「因為有『御守』嘅保佑,目前狀況先有向好嘅方面改善」才是正確嘅態度。
覺得買完御守就可以心想事成嘅,其實係對神明唔禮貌嘅諗法!

3|御守正確佩戴方法

關於戀愛/結緣御守

因為無法預知何時有戀情萌生或結緣,所以應隨身攜帶並藏好。可放入車票夾或手袋內袋。另外,如果係求「相遇」,可放入象徵外出嘅行事曆之中。
結緣/戀愛御守應隨身攜帶。

關於學業/考試御守

可與用於練習listening的音樂播放器放在一起,又或放到筆盒之中也可。考試開始前,可輕輕用雙手握著御守,全身放鬆並祈求合格/好成績。
學業/考試御守可與常用的上學用品同放。

關於家庭/健康御守

家庭、健康或工作用等御守,可綁到每日隨身攜帶的手袋上,而長壽御守等,則可綁到手推車或柺杖上。 求子或安產御守則可放到每日手持的小袋子中,又或放到腹帶的內袋中,並每日誠心祈願。
健康御守應隨身攜帶。

關於除厄御守

由於係保佑遠離疾病,每日健康平安嘅御守,因此可放入外套內袋,或每日隨身攜帶嘅手袋之中。推薦厄年嘅朋友購入一個除厄御守!
除厄御守應放進衣袋等較貼身嘅地方。

其他御守

福錢:祈求積聚金錢,可放於銀包或金庫中,便有利積聚財富。銀包、金庫及存摺保管的地方都適宜與御守同放。
福錢可放入銀包中,以增強財運。
御神札:祈求福運到來嘅御守,應朝向東或南方擺放,如沒有放置神壇時,可放於北側的柱子或牆壁上,比視線高度高的位置,並每日禮拜。御神札有「家庭圓滿」、「夫婦圓滿」、「家內安全」、「商賣繁盛」、「地主神社」等祈求各種願望嘅款式。
御神札應安放於家中,面朝東/南方比視線水平高嘅位置。

4|御守有限期

唔少朋友都有過「因為唔知點掉先好,所以一直都袋住同一個御守」嘅煩惱,但吸收咗周圍霉氣嘅御守力量,並不會永遠持續有效力。簇新亮麗嘅御守神力較強,而因為長期貼身攜帶,御守慢慢會變舊或弄污,而令神力變弱。 基本上,祈求「家內安全」、「交通安全」、「商賣繁盛」嘅御守,可視1年為有效期,並將舊御守返還到神社。
御守內有神明寄宿,唔可以隨便亂掉㗎!
但「結緣」、「戀愛成就」、「受驗必勝」(考試)、「安產祈願」等有著明顯「想實現呢個願望」嘅御守,則可於目標/目的達到之時,視為御守嘅神力期限。以感激之心送回舊御守,並買入新的御守。

5|如何處理舊御守

返還舊御守時,要先分清係喺神社買嘅,定係喺寺廟買,神社買嘅就返還神社,寺廟買嘅就返還寺廟,唔好搞錯。 最好可以將舊御守直接返還到買入嘅地方,但如果因各種事情無法還到同一地方嘅,則可返還到附近嘅神社/寺廟。每年1月嘅初詣時期,大部分神社/寺廟都會設有收集想焚燒嘅御守/祭品嘅,稱為「古札納め箱」嘅地方。返還時,可投放相當於御守一半價錢(500~1,000円)左右嘅賽錢以表心意。
日本正月期間,大部分神社/寺廟都會設置專用以回收舊御守嘅地方。
除咗正月初詣時期,唔少規模較大或較出名嘅神社,都設有專門收集舊御守或木札,亦樂意回收從其他神社求得嘅御守,不過達摩、熊手就不能收取。
圖為淺草寺所設嘅,用於收集舊御守嘅專用地方,任何時候都接受返還舊御守。

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡