【日本100円店】成日聽人講「平嘢冇好嘢」,但日本嘅100円店就唔同喇!超值價格就可以入手到高質商品,好用到甚至令人懷疑係咪真係100円店嘅貨色!最近日本網友之中,又有好幾款100円商品hit到瘋狂賣斷市,想買到嘅話,似乎要睇下緣分喇!

撰文:C|圖片:Twitter

日本100円店超人氣賣斷市商品

1|Seria 3D puff

作為化妝道具使用嘅3D puff,最近雖以矽膠製粉撲較為受歡迎,但由Seria出售嘅3D puff最近則作為「化妝用寶物」於社交網絡形成熱話,人氣爆發,全國瘋搶!有網友甚至為咗買佢而搵咗足足3日!用過嘅網友指,使用後成個妝感超靚,適用於冬天嘅乾燥肌膚。

2|Seria Illustration Marker

Seria新商品Copic風Illustration Marker(Alcohol Marker)擁有巨大人氣!2支只需100円(約HK$7)嘅激平價格,但非常易用,CP值超高!

3|CanDo Controller Stand

可於商品中間橫向放入智能手機使用,握住兩邊把手,就可以好似攞住遊戲手掣咁操作手機畫面。而且背面亦有stand,可將手機直立擺放。除咗打機,睇影片亦可派上用場。

4|CanDo Dove Body Cream

因為係100円商品,以為分量肯定好少,但容量幾乎同罐裝NIVEA冇分別!藍色有34%以上Vaseline、礦物油、甘油成分;粉紅色則加入咗可可油、氫化澱粉水解物等保濕成分。

5|CanDo ellips hair vitamin

ellips係喺印尼峇里島誕生,不需清洗嘅護髮油。膠囊內裝有營養豐富嘅髮油,每次使用一粒。濃厚嘅髮油內蘊含滋潤成分,營養豐富,可從強烈嘅紫外線受損中保護髮絲光澤。

6|Daiso 化妝掃

網友評價質感非常舒服,刷毛柔軟唔刺肉,而且設計非常有高級感!美觀又好用。

7|Daiso「讀書台」

網友指學生時期,做功課/溫書時,特別想將課本架起hold住,睇書時方便好多。原來Daiso有呢款「讀書神器」!無論係學生黨,定係成日要對住文件工作嘅打工仔,都值得一買!

8|Daiso 野餐袋

有日本媽媽網友將野餐袋用作「育兒袋」,帶備所有同BB出門必帶裝備。大讚方便之餘容量大、間隔位多,抵買又好用。

9|Daiso 演唱會門票票夾

鍾意睇演唱會嘅樂迷們必備!唔使再怕整唔見門票票尾啦!

10|Daiso 便攜式充電器

價值500円嘅充電器,令網友充滿震驚嘅不信任感,於是便有網友拎哂裝備嚟測試係咪真係達到標示嘅電量,然後發現,CP值真係超高!測試完就叫大家真係要入手返一個!

下一頁:日本FamilyMart限定 「惡魔之味」商品|網友:絕對回購!出色的美味

最新的日本入境要求詳情?

在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡