【日本天氣 急凍】聖誕至除夕新年,唔少朋友都會選擇去日本旅行度過。日本呢年天氣好唔穩定,時熱時凍,年尾氣溫更加會吹來一陣寒流!即將出發嘅,又或者已經到埗嘅朋友,記得著厚啲喇!

撰文:C|圖片:tenki.jp

日本天氣急凍 平地都有可能落雪

日本附近於27日(星期四)開始,冬型氣壓配置變強,至28日(星期五)達到頂峰,預計會有強烈寒流。呢股寒流唔止吹襲日本海,連太平洋周邊都有機會聚集雪雲。即使係四國等平地,一旦落雨,甚至會有機會變成落雪嘅程度。平時唔點落雪嘅地方,都有機會出現積雪情況。

平時唔點落雪嘅地方,都有機會出現積雪情況,並可能會下降至-6度!

有機會對交通造成影響

28日起,日本全國氣溫預計會急速轉凍。北海道最低氣溫會達到-10度以下,關東至九州一帶亦預計會低至0度或以下。日照時間中,相信亦處於嚴寒狀況,預計除夕當日多處地方最高氣溫不足10度。

關東地區嚟緊一星期最高氣溫都不足10度!

因積雪急增同吹強風,對交通有可能會造成影響。年末如果要去日本國內唔同地方玩,記得睇定最新天氣情報、車輛運行情報,同埋記得要著多件衫啊!

喺日本嘅朋友,出門前,記得睇定天氣預報啊!

相關文章