聖誕一早過咗
我對聖誕節絕對冇感覺，因為做傳媒，由八、九月開始已經要做聖誕的稿件，或者拍攝聖誕食品、貨品等，重複又重複地看聖誕樹和閃令令波波，看了兩個月之後，在我心中，聖誕節一早已過了。
而且聖誕節前後，通常要做新年丶情人節丶復活節的稿件，所以到正式聖誕節的時候，根本已經冇晒感覺。
其實寧願唔放聖誕節假……
無論是做傳媒還是做普通職業，聖誕節前後都趕到氣咳。因為要放假，很多deadline都提前了（例如這份稿件），聖誕節和新年之間假期又多，工作永遠非常洩氣，因為電郵永遠冇人覆、電話永遠冇人聽，可是工作還是要按時遞交。
如果遇著要跟歐洲的公司，計劃聖誕之後的工作，簡直是自殺行為，因為幾乎12月開始就沒有人回覆，一邊氣憤、一邊趕工，實在令我覺得聖誕節好討厭，我寧願唔放假。
香港過聖誕 3招求生攻略
01｜避人潮做宅女
平日香港已經超多人，我幸好可以彈性上班，所以能夠避開人潮。遇著聖誕假期，鋪天蓋地都是人，還要被迫聽商場的罐頭聖誕音樂、睇勁核突的聖誕裝飾，我當然留在家中做宅女，狂睇戲之餘，又可以煮下飯仔，都幾好㗎！
不過作為自由人，我就寧願趁著這兩天沒有人打擾，好好地清理一下工作，反正之後回復工作日，隔兩天又放新年假，想起都覺得頭痛。
02｜中菜！一定要食中菜！
大時大節出外食飯，猶如被人明刀明槍地打劫，加兩粒士多啤梨，普通心太軟就變成聖誕特別版心太軟；餐廳掛了一點聖誕裝飾，就夠膽收比平時貴一倍的價錢！
不單是價錢的問題，通常節日期間，廚師都忙得不可開交，通常都會設計一些比較行貨的聖誕餐：煎牛扒、肉醬意粉、心太軟等等，這些平時都可以吃到的食物，今日不單止更加貴，質素也比較普通。畢竟廚師都是人，要他們一晚之內瘋狂整幾十個餐，總會比較差吧！
所以，如果一定要外出食飯，我一定選擇中菜，正如農曆新年期間，一定要食西餐一樣，一定可以避開大量人潮。
03｜厭世系唔po聖誕派對相
話說回來，烈子的情況——怕別人知道自己聖誕節沒有派對可去，在社交媒體上裝作十分受歡迎。
這個情況，作為中女的我已經進化到「I don’t give a shit」 的地步，但求安安靜靜，甚至把電話熄機，當聖誕節是平日一樣過就好了，反正27號開工，又是一條好漢。